Maki cinbwanan na Tayal raran ga, kbalay squ qqaya’ mciriq ga zwyaw mlikuy hya, mlikuy ga si ga kbalay nanaq, ini ga, psyaqan na squliq qalang, kbalay nanaq ga ini cqrian na squliq, kya qu ini qbaq kbalay ga Yaba ki qsuyan rmaw nha, ru qqaya’ mciriqan ga, iyat balay ksyugun squliq ru ini balay ptringi knerin ini sincyaqah squliq, baha hmswa knerin hiya ga tminun na qaya cingasan, maki nanaq qu psrxan nha gaga cinngasan, iyat balay tqnga’ zwyaw na rgyax mlikuy, qani ga hopa na psaniq qu knita ta lkotas aring sraran.

muci kya lga, motux na Tayal ga, ini nbah qmalup bzwak nahuy ru para’la, nanu si ga spkut nha bzwak ri ng’ta lphaw phgup ga musa maki snwayan na Utux lkotas, psiqa nha kr’us na zwyaw aki ini qmamas yaqih na utux mimaw qsahuy.

tay ta ini agan yaqih pincyagan ru qqoya’ nagan nha qnalup qsinuw la, tqutux tqutux ubuy squliq ga maki nanak qlupan nha qnahan, ini lma msina smwayan ga, iyat ta nbah mzyup qnahan qlupan nha. mha su smi russ qsahuy qlupan nha ga, si ga lmon su smatu ke squliq na ubuy biah. tay ta ini bogay pcyaqah squliq ta uzi, miya su musa maras hozing zik na musa mzyup qlupan nha qmalup ga, lman ta pqnbaq cyux nha syun rusa’ ga ini ga, aki ta baq musa mzyup ga. gleng na sazing ryax ptqalup ta ga, blequn ta mima hi’ ta, kya nanu wal ta msayu’ ini ga psyaqah zwyaw squliq ga, lman ta sblaq ru tmumaw sbalay. mlikuy ga laxi balay t;ring qqaya na tninun knerin, tpucing na shriq cingasan ga pmon ta qba ta, tay ta ini ars kr’us na ngasan musa rgyax la.

在泰雅族的傳統裡，製作武器是男人的工作，婦女不可以製作武器。自己要用的武器必須自己做。還不會製作武器，可以由父親或兄長來幫忙做。自己的武器絕不可借給其他人用或是讓別人踐踏，這是一大忌諱，否則獵人就不會再獵到山豬、山羌了，也必須要殺豬或殺雞來祭祀，除去不乾淨的東西。

每一個族群有自己的獵場，沒有經過同意，不可以隨便進入其他族群的獵場。如果要在獵場內放陷阱，必須通知其他同族的人，以免傷到人。同樣地，要帶獵犬進入獵場，放狗狩獵以前，也要先確定有沒有陷阱。在打獵的前一兩天必須將身體洗淨，與別人有不愉快事情也要處理，設法和解。最後踏出家門時要洗手，也有很多人是到了要進入獵場的小溪才洗手，以免將不乾淨帶到山上。