109 年全國語文競賽原住民族語朗讀【大武魯凱語】 國中學生組 編號 4 號
lrigila ki Tuaumase

yakai ku tangea ku umase, tangeangea ngikakamani tuakaenene ikai ki kalatadranelini, kasalrualruka kaliapai kisupilri ku nitupadaudalrua ka taisaselebana ka zikange.

sa tangehaha ku aulru pasuabelenge cele, yakai ku maadrau kaelrenge ka angatu, puamadru ku bekela ku tatitiki katikululu ka madru, lapacungulu papulebe cele ki thili ki angatu ka daedae, wacebe ku maadrau ka tahamunage, tuhanau kidremedreme myaikai, ku Tuaumase amani ka wabekace ikai kaumasa, ai, ku Tuaumase alakadrua ka malrigili, kai angatu ku adrava ku abelengana, ku adulrua siamece ka puku maadrau tuhamuhu, ai wabailringa papumadru ku tatitiki ka madru, kaivai maadrau ka tahamunage wacebelringa pumadru ikai ki mamamelre kadrua ku puku ku natikianenga ka cebe, ngyatuatumanaini!

la ikai idra ngikakidremedremedreme, myaki kalrivili ka malrigili amasilrialribate ki Tuaumase ku lrigila, sa icengecenge muluu kai pulringau, kainangai tualai belenge ki angatu mucilri ku ea ka madru, drungu miya, pakailringa ki aulruini.

langituluku kiangeange si suasulrape ki aulruini, pulringau laiya si siwlriwlri kidremedreme ku tapulrivalaneini ku tabekaca ki Tuaumase, laiyaikai, “ Tuaumase asipakibuli malrigililringasu, alaiyasi amani ku tahamunage ka muacilri, lanai lremeainaku, launai sisalrunga kadrua kai niakeli!”

kutaka umase yakailu nauahakai ku lrigilaneli ku thingalaneli pakabalrithi ikai kaumasa luiyata, lakaita thingathingale iyadringi ikai tabekaca ki Tuaumase, patengatenga ka pailrepengenga ku tamasudaledalepa, ku amauwauwa, ku akathahiha, kadruata ka aipikakua lribate ku tapumacaneini ku gathimini, ku adulruaneta piya, sakathatha ku asalebeaneta ku kidremedreme musakene tahumaha ikai bekace ki Tuaumase, la kicakua thingale kisilape, kisamula kidringai ikai kai bekace ki Tuaumase demedeme, manemanaini ku pathaheva? manemanaini ku sapelaela mita? manemanaini ku sabulrua mita taiya, lu kidremedremesu kai myaiyainiya?

109 年全國語文競賽原住民族語朗讀【大武魯凱語】 國中學生組 編號 4 號
神的智慧

有個人獨自坐在院子裏,輕鬆地享受一段平靜的時間。

他看到一棵很高的樹,上面結了一些小硬果,接著,他又看到樹旁地面上長出了一顆大南瓜,心想:「上帝造萬物,實在是不怎麼聰明,樹這麼高,乘載的力量這麼大,可是結的果子這麼小,這個大南瓜卻長在看起來軟弱無力的蔓藤上。如果我是上帝,我要南瓜長在高大的樹上,讓那個小硬果長在看起來一點力氣都沒有的蔓藤上面,這才像話嘛!」

想著想著,突然從樹上掉下來一顆小硬果,「咚」的一聲,打到他的腦袋,他嚇了一跳,摸摸自己的頭,頓時想到:「上帝啊!還是你比較聰明,如果掉下來的是個大南瓜,我這條命可能就不保啦!」

當我們想以自己的方式改變這個世界時,卻不知在神的創造裡面,把一切都設計得非常美好,我們並沒有辦法超越神的眼光,我們能做的,就是懷著謙卑的心去領受,並且學習理解、發現隱藏的種種奧秘。

文章資訊
文章年度109
文章編號4
文章組別國中
文章語別大武魯凱語
族語標題lrigila ki Tuaumase
漢語標題神的智慧
文章作者杜富菊
漢語摘要作者參考《學習電子報》第1271期、第1269期
漢語摘要