108 年全國語文競賽原住民族語朗讀【霧臺魯凱語】 國中學生組 編號 1 號
Bengelrai ki Ngudradre kay bariangai

Pi kai ki cacekecekele, taraya kai ku nitubengelradhane, ku sapatuthingalane ki cekele, si sarathudane ki kidremedreme, kay Ngudradrekai, la tualainga ku nadruma, cegecege kay bariangalai, si ka sapatuthingalane ki Ngudradrekai, kay bariangalai mualrivili ka thariri, la ka samausakesakenane.

Kay kadaengune ki Ngudradrekai, tacebeane ki bariangane, lakathariri lasangasai waledra wadraredrare ki kadaengane matiausakene, kai matia ka bebetethe, anika thariri turamuru la iya ku nalatumuita, alata tupalrealrebane, tubengellai laiya. sakaulainga aladarepe ku kakudhane ki bariangalai.

Ku kakudhane ki bariangalai, lupakelasu ki ngualrima ku valisane pana ka sauvalai, siacivare madu, paka vaeva ku bariangalai, lu ki tulrevegesu ka labaibai, sia dukipi madu, lu dukipi ku bariangalai ku ababai, lrigu ku taulecegane taka bulane. lu sicivare kay sauvalai ku bariangalai, lrigu ku tapanane ini ku babui.

Ludrele numi ka lavavalake, kai makalra ubulane kay bariangulai, asalumalrane la si civare, anikakalranga kuini kakudhane si matipangelrace lriya numi, ai, sapelaelane ku lrigu, lukiparaisane kay bariangalai, kaidu kiabububuli sicivare pasalrivane.

Kay bariangalai, madradraunga ku arakaiyane madu, tumapapangalane, ku kakudhane pangukai mitane ka Ngudradrekai, kay bariangalai, sapatuthingalane ku saniangane, mualecege, tharilane, la kasabulruane ki umaumase, arakai madu ku sakiadiadili, arakai madu ku lrekeme, ngiasasangate madu miaki bariangalai ku taki dremedremane amiya, lakamani ku cegecege ki marudraudrangeta, tubengelrai ku bariangai ki Ngudradrekai, sapatuthingalane ki cekele sapulrekemane ki cekele.

108 年全國語文競賽原住民族語朗讀【霧臺魯凱語】 國中學生組 編號 1 號
魯凱族的族花-百合花

每一個國家都有自己的國花,象徵這個國家的標誌或民族的精神,魯凱族很久以前,就選擇了百合花作為族花。佩戴百合花不但可以使自己更漂亮,也是尊重對方的一種禮節。

百合花盛開的季節,魯凱族的土地上,處處可以看見一朵朵白色,形狀像喇叭的花綻放挺立在山谷中,芬芳又美麗散發出清幽的香氣,給人一種清新、聖潔而不可侵犯的威儀。

百合花的佩戴方式,規定男人必須要獵得公山豬累積到五頭以上才可以佩戴。女士們要透過賜冠儀式才可以佩戴。魯凱族認定,女人佩戴百合花是象徵聖潔和高貴,男人佩戴百合花象徵男人脫穎而出的智慧和勇敢。

百合花在魯凱族而言,代表真善美也象徵責任和榮譽,希望每一個人都能堅忍不拔、有智慧、謙卑和平的像百合花一樣,所以魯凱族的祖先選定了百合花為魯凱族的族花,代表魯凱族的記號和民族的精神。

 

 

 

 

文章資訊
文章年度108
文章編號1
文章組別國中
文章語別霧臺魯凱語
族語標題Bengelrai ki Ngudradre kay bariangai
漢語標題魯凱族的族花-百合花
文章作者杜傳
漢語摘要