Ku nadruma, makucingalre, lupatharukay yane ki walupu, kay kakuthane ku apanane, la kathane, kay talupane si kadaengane ku akilibakane madu, ku la manemane tarapaswalana madu thingale musakene, lu thingalesu ku kakudhane ki walupu, ikay ku sakialibakesu ki wmaumase ki waudriudripi ki kadaengane.

Ku tara alupu ku sauvalai, kiausakene, ki mapapangale, lu sicivare ku panaini ku taralupu amani ku sapatuthingalane kulriguini, lu lrialupu ku tara alupu, tarakiasidrama tarakiaukalava.

La kamani, kay Ngudradrekai, kay sauvalai, nawtaramalra ku lrigu ki tarapapana laiya, la singikalrulai ki bulru ku kakudhane ki tara alupu, ku kai walupu ku sauvalai, ku kai siabariangalai ku sauvalai, kiatusinalreme kai kiausakene ki sakecekele, la kamane, lu alupusu lapana si pangisabulu ki sakacekele, la lri kay ku bengelraisu, idulrusu ki tilibi ki sapasiasilange.

Kay lrigu ki tarapapana, lu panasu ku valisane si ngulrimangasu, pakavaeva madu si civare ku bariangalai, lu paki ngivavalesu la pana ku valisane ngudrusa, pakadrusa madu sicivare ku bariangalai, lu paki ngivavalesu, la panasu ngutulru ku valisane, isicivaresu pakatulru ku bariangulai, lu panane si ngulrimunga ku tina, ku babui, siacivare madu, paka vaeva ku tava, lu panane ku salaungane, sia civare madu ku tava si pangangace.

Ku kidremedreme ki tara alupu, tarapasuala madu ki libake ki talupane, tarapadungudungu madu, ku kakudhane ki talupune, luka bebetethesu, lu kai sumusakene ki talupane, tara mualisi madu taramuacugul madu, ku amatikuruame.

在魯凱族的傳統社會裡，狩獵活動與族人的生存、人格，乃至宗教的信仰都息息相關。魯凱族與狩獵關係，不單單是存在於狩獵的方式，獵具的使用，材料的選擇而已。透過狩獵的活動更可以磨練人民的生存智慧，教導族人對世界的認識，建立族人的宗教關係。

一位傑出的獵人在部落是廣受尊重與愛戴的，打獵中的倫理道德、堅忍不拔的精神，都是部落族人推崇的學習榜樣。尤其魯凱是共享共榮的社會，一位獵人出外打獵總是會讓部落的人有所期待，魯凱族男人從小學習打獵，為的是將來能夠取得榮耀，才能擁有屬於自己的身分地位和社會的價值。

千百年來，魯凱族生活的大自然中，都是好山好水，所憑藉的就是敬神畏神的謙恭信仰，今日魯凱生活的山林處，依然有各樣平衡物種的生態，但如果人類少了從心靈對大自然的敬重和熱愛，縱然依法實施保育，好的環保法則，現今的好山好水，仍然逃不過絕種的危機。