109 年全國語文競賽原住民族語朗讀【霧臺魯凱語】 國中學生組 編號 2 號
Tanigdrakakalane ki Ngudradrekai

Ki caicaili, luka sakavalru ki dramare si mangeale si lrima ku vai, amani ku tangidrakakalane ki Ngudradrekai.

Lu mutakelanenga ku vai, la tautau ku barakalai, pelaela ki mapapangale, itulrisisingata, ngipapadulrua ku satulrisisiane numi, la iya tautau. lu maka tautaunga ku barakalai, lamasiasilage padulru ku mapapangale. walupu ku sauvalai mulregelrege, sialribu ku becenge ku labaibai, la tubava la twabai.

Luka tangidrakakalane, yasadra madu ku aungane makanaelre, latara kipaelre madu, wailuku madu ku rarukudrane, la rubu purarubuane, luka tangidrakakalane, makalrualrumale ku yacengecenge, padulru ku sangidrakalane ku nadruma, luka tangidrakakalane, makalra ku lrisi ku piapia madu, ai, kay asasane, maelanenga ku taki susuaneta, la kay tatulrisilrisinga, arakainga maduku taki susuaneta, kay asasane kitubi ki Tuaumase, la ngulringau madu ki vavange kiraragai lakathane.

Luka tangidrakakalane makalra ku piamadu, ki vavange, ngiaragelane ku tauvaile kete, la maka lrualrumale ngitalaisi, ngiapapadulru ku dulathe, ku langukathabarane, la ngidulathe makalrulramale. Ku tarudraudrange ngiathalringulu dradralradhane, la siavavava. lu tulrepengenga ku laelangane, rarubuane, la utavanane madu, la pacungulu madu maceacebe, madrudrulru madu,kurarukudrane malidralidrau madu.

Luka tangidrakakalane ku nadruma, makuciacingalrenga kay lrisi ki capi, la taracapi madu, ku lrisi ki capi, tualrisi ku tangilribatane ku caili, la kitubi madu ku akidresengane madu ki bavane ki caili, luka tacapiane tara wakane madu ku capi, asiluiyane, kuini capi yakai ku subulrubulru kiTtuaumase, yakai ku pulrekeme ki Tuaumase. la kane madu, la salrekemane madu la sapukuane madu.

109 年全國語文競賽原住民族語朗讀【霧臺魯凱語】 國中學生組 編號 2 號
魯凱族的豐年祭

每年的八月十五日是魯凱族既定的豐年節日。

豐年祭之前,部落長老會宣告部落豐年祭的訊息,讓部落的人民都知道。之後部落開始籌備豐年祭的相關事宜,男士們要出外打獵,女士們要釀小米酒、製作小米餅。

豐年祭當天,部落的人都放下工作、盛裝參加,同時各家都要備妥禮物,帶到廣場參加活動,豐年祭期間,部落的青年男女是所有活動的主角。從前的豐年祭,有很多的祭儀要辦理,但因為宗教信仰的改變,我們不再舉行傳統的祭祀活動,豐年祭只是象徵的紀念活動。

傳統的豐年祭,在所有的祭祀中,占卜祭是最為重要的祭儀,是針對舊年與新年的銜接祭儀,占卜中的小米餅會顯示神的啟示。同時占卜中的小米餅有神的祝福、恩賜在當中,所以占卜祭當天,一定要吃占卜祭所做的小米餅這樣才能蒙恩福。

文章資訊
文章年度109
文章編號2
文章組別國中
文章語別霧臺魯凱語
族語標題Tanigdrakakalane ki Ngudradrekai
漢語標題魯凱族的豐年祭
文章作者杜傳
漢語摘要