108 年全國語文競賽原住民族語朗讀【霧臺魯凱語】 國小學生組 編號 2 號
Senai ki Ngudradrekai

Kai senaita ka Ngudradrekai, tai ngeane ka makucingalre ka laububulu, sarakaikai yaneta, kalaelange. Lu kiraragadhane, lu kwalriane, lusenadhane, ngualuadhane madu.

Talrilrigili senai kai Ngudradrekai, anikatarudraudrange, anikalavavalake, wasenai makanaelre, lu kiraragai, luka laelaelange, tara wasenai. Kay senai ki Ngudradrekai, tai ngeane, ka sarakaikaiyane madu, kivavange, kalaelange, luikaiyane ki Ngudradrekai, tara kiacaucakuane madu, tara kiabulru madu. Lu kalrigilanenga senai, wadulru madu, a rakai ku senai. Pelaela ku kidremedreme madu, senai ku sakya ragai madu.

Kay Ngudradrekai, wasenai, ikay ki druanga, lukaungu, lukivavavange. Lukirararagai, lukualrialri. lutulrisilrisi, lu maupapapalange, lu lrikikaruburu. /tara wasenai, lu senai lapaelraelrange ki lregelrege, wasenai ku tangilribatane, laka taikalra ne turamuru kai senai ki ngu dra drekai lu singikaiyane ku tasenasenadhane laikai ku puatariri, rarubuane, samu papalangane, senai ki puatariri rarubuane samau papapalangane sakauaungane, palailai, satubitubiane, laikai ku senai ki lavavalake. lamakaelaela ku tasenasenadhane, ku saiyaiya lu senadhane, arakai madu ku kidremedreme madu, la tusenai madu, tusaiyaiya, lasenai madu.

Kay senai ki Ngudradrekai, tualainga ku nadruma, ka tusenai ki cucungulaneta, arakai ku lrigilane lini, la paucungulu mitane, pakelanga kay, palrealrebane ka mathariri turamru, kay senai ta ka Ngudradrekai, lu thingalane senai, laka taingeane, ka sathingalane madu, ku kakuthane ki Ngudradrekai, kay asasane, ku atukucingalraneta, amani ku apaucungulaneta, thingale ku tasenadhane, laikai kaulraw, laikai karetege, kay mathariri turamuru, kay senaita ka Ngudradrekai.

108 年全國語文競賽原住民族語朗讀【霧臺魯凱語】 國小學生組 編號 2 號
魯凱族的歌謠

魯凱族的歌謠是文化的重要資產,在生活中扮演重要的角色,不論是喜樂、悲傷,魯凱族隨時隨地都在唱歌,唱歌是表達心中喜怒哀樂的媒介。

魯凱族的老少都喜歡唱歌,歌謠的教唱沒有一定的時段,也沒有一定的形式。魯凱族的歌謠是生活中不可或缺的基本知識,每一個人都要學會唱歌,把生活中的點點滴滴,融入日常生中的每一個片段。

魯凱族演唱的名稱大致分為:歡呼歌、聚會歌、情歌、工作歌、報功歌、哀歌和兒童歌謠等。魯凱族的歌曲種類很多,但歌詞千變萬化,每一個曲調都可以按照自己的心意和感情譜成歌曲。

魯凱族的祖先創造了我們獨特的歌謠文化,如何藉著歌謠了解其原來的文化意義,使之能夠在現代化的社會舞台上,繼續扮演其重要的角色,這是我們日後努力的方向。

 

 

文章資訊
文章年度108
文章編號2
文章組別國小
文章語別霧臺魯凱語
族語標題Senai ki Ngudradrekai
漢語標題魯凱族的歌謠
文章作者柯菊華
漢語摘要