109 年全國語文競賽原住民族語朗讀【汶水泰雅語】 國小學生組 編號 2 號
usain ku inlalungan

1. mamayah ka yayangayang su pahpah

kiya qutux ku mabuluq, maki i tatuhy na quwis. uniyan i malahang su makapahpah ka ki’man. kiya ku hriq na ri’ax niya ga, nabalaiqun niya i malahang. alan nlya su ki’man, sukuan niya su xiliyu, nahahiyuun niya i kuman ku pahpah, asiga baqun naku pahpah ku kay niya, manblaiq i marakiyas subalay.

qutux su riax, muwah ku rawin niya i maskakaru, saraluwan niya ku mamayah na pahpah hani. “ makapahpah lga, baqun su qu? ” ku rawin niya maha. “ baqun mu ga! minqutuxqutux mu umabus ku pahpah qahbaw, snawkan mu qahbaw, baliaq subalay ku kinsawkan nah. ” “ wa! asisubalay ga tikay na abagan ku mamayah na pahpah, magbatunux subalay! ” maha ku rawin niya. “ mahuway ku kay su ” .

tiku qutux su qalang, humainas ku suquliq, muwah maskakaru ka rawin... balaiq nha ku mamayah na pahpah, talan nha ku pahpah ga sawa’an nha.

pamuwa’un naku mabuluq ku pahpah hani, magbatunux ku babaw na rawq hani. muwany i lumngalun, hanuan niya i ini saluwy, maqah laku sukuliq laga maqas uwy i hiya la. baly asyky talan nanak, yamly ku kisliq laga, yany salun ku magbatunux.

2. qabahniq i wasilung kinku ulaqy

qarariax i kasasanan ga, muwah i humakay i siyawu na wasylung ku ulaqy. makababaq sku qabahniq na wasilun, makital ga tumpah sku tunux quga hangaliq niya. sa’anan niya ru masrawin.

aqih subalay ku qinqyanux naku ulaqy, kiya qutux su riax, pungan niya mha, balaiq babaiqan niya i binasun ku qabahniq. maksuriary ku kisliq niya la.

magabuq su kisasanan, musa siyawu na wasilung, makatatuhy i hiya ku qabahniq, sa’anan niya su tataikay na qulih, asiga ini taly naku qabahniq. asi i patalaingay i babaw na kal ku qabahniq, ini i uwah makasawbih i hiya.

“ mihisuwa la? suwa’ ka baqun naku qabahniq su rarakapun mu i hiya? ini ka kiya ku aqih na inlalungan mu ? ” humakay i babaw na babunaqy mamaty niya i lungulungun ku waw hni.

109 年全國語文競賽原住民族語朗讀【汶水泰雅語】 國小學生組 編號 2 號
沉思三帖

一、心中的花園

一位盲人在院子裡種花,除草施肥,跟花兒說話,花兒開得繽紛。

一個朋友來看他,被園裡的花吸引住。朋友告訴他「花開了,你知道嗎?開了好多!」。盲人說「知道!我一朵朵撫摸它們,也聞到花香,有的濃郁,有的清香」。

左鄰右舍、路過的人、來訪的朋友都喜歡他的花園,他們看見花也都發出相同的讚嘆。

他想讓世界更美。雖然看不到,只要別人喜歡,他就心滿意足。他覺得美,並不在看到什麼,而是心中感受到什麼。他笑了,他看見心中的花園開滿燦爛花朵。

二、少年與海鷗

少年每天早上在海邊散步。他與海鷗相識,海鷗駐足在他頭上或肩膀,像是多年好友。

少年生活拮据,聽說海鷗可以買到好價錢,於是起了貪念。

清晨他到海邊,海鳥盤旋在天空,沒有海鳥接近他。他餵食海鷗,海鷗像沒看到似的。

「海鷗怎麼知道我要捉牠?因為我心中有了壞念頭?」少年沿著沙灘走,一直思索這個問題。

文章資訊
文章年度109
文章編號2
文章組別國小
文章語別汶水泰雅語
族語標題usain ku inlalungan
漢語標題沉思三帖
文章作者劉仁祥
漢語摘要作者參考馮輝岳,康軒六上國語第九課「沉思三
漢語摘要