108 年全國語文競賽原住民族語朗讀【建和卑南語】 國中學生組 編號 2 號
tinakakesiyan da Pinuyumayan

kemay kana madalram ta da ulra lra tuy pinalahan da “ dekalr a kungkuwan ” na sēvu mu, inta na pinuyumayan kipalahan ta kan102’ami pinungadan kana “ apucan takesiyan ” kinuwa. semalra mipinarpauwauwa lra nani na patakakesiyan kana marekamelrimelri data kakuwayanan na vurcenganan. kemani kana ka’ilri’ilring kanadu na temakakesi i kadu na lralrak, mulanak lrikeci tu ’ami di tu ’avutay lra na rakad !

nu muruma’ i dekalr panadam kaniyam na sinsis mu, ulra tu ipanadam kaniyam na kadu diya i dekalr na marekamelrimelri data takakesiyan, maumau idu na tinakakesiyan da pinuyumayan mu, salaw kapadangal temakesi, pawnung kaduwan diya na ma’ulid kananta piningaiyan, di mipiniangeran ta lra da haremanan, salaw kakuwarengan ta venavati da tinaraawac. kurevu’er ta menadanadam venavalray datu piniliwlran data kakuwayanan.

“ kemay kana kinalrikeci venavati, di ta patawalay lra menadanadam venavalray kana pureasavak tu pauwayan ’’. kema na sinsi.

ulra tu vinavalray da pidapida, pakiruwalru da ’imira’iraw tuy pungadangadan na sinsi, di ulra ku inadanadaman venavati da “ pulihu daku dekalr ”.

kemani pungawngaway ku vinavalray da pungadangadan da senay, di ku puludusaw kanantu vinavalray na sinsi.

pa’alrup, ka’amiyanan-- vulrecaci’an lra na carevu, pakaahelr kana uraruma’an da rinuma’enan.

tadaw-- idu na mitaadaw a! lralripit ku da hilrihilrican da pudadalanan.   

na pararawa i Tokay-- parepidapidan ta da masamasalr mutelak, adi puludus, karuwa ta kiresan da mipadangalan da rawa?

pulihu da dekalr-- salaw vulay nanta dekalr, mau tu kinalraman na temu. tu sayhuwan semenay muwarak na wadi, mau tu cungulran na nani. tu ra’emecan piniangeran, mau tu itaturusan kana temuwamuwan. tu surimetan na vulavulayan, mau nantu ’uringecan na ma’inayan.tu semangal marekasayhu, mau na misadekuwan i dekalr diya.

108 年全國語文競賽原住民族語朗讀【建和卑南語】 國中學生組 編號 2 號
卑南文學

自從知道政府會成立部落學校,我們卑南族也成立了「花環部落學校」,老師們也有構建部落學校的方案,逐步彙整各項傳統知識!

每當老師回到部落上課,「卑南文學」,對我們來說是陌生難懂的課程!除了族語的困難度為主因外,其次是無法沉浸在民族文化思維,只能以漢人思考模式由簡而繁的呈現民族風情!

短詩是學習的範例,讓我們以吟唱古調的模式學習。

狩獵:冬祭-白茫茫的芒草花,催促著為祭典回鄉的族人。

獵刀:獵刀的主人啊!我將要為你展開披荊斬棘之旅。

都市獵人:要累積多深的失敗,才能獲取等值的獵物?

讚頌我的部落:非常美麗我們的部落,都是姆姆的寵愛。能歌善舞我們的愛人,都是父母的遺傳。刻苦耐勞我們的精神,都是祖先的榜樣。熱情洋溢我們的姑娘,因為勇士的豪邁。樂觀進取我們的態度,因為部落處處是溫暖。

 

 

文章資訊
文章年度108
文章編號2
文章組別國中
文章語別建和卑南語
族語標題tinakakesiyan da Pinuyumayan
漢語標題卑南文學
文章作者洪渟嵐
漢語摘要