106 年全國語文競賽原住民族語朗讀【建和卑南語】 國中學生組 編號 1 號
inurepunan i dekalr

kani kanta i dekalr nu kapalisiyanan tu kinavangavangan mau nu pulaludus ta lra kana ’ami, nu mangayangayaw ta kana pungaway na wari mu, na vangsaran adikaadi pakadalram patakesi diya kana maralrakan na valalisen di na cakuvakuvan kananta “ inurepunan i dekalr ” data kakuwayanan.

pasalaw da ma’idangan venavati data kakuwayanan di parengay diya kana maradawan kanantu inlrangan.

nu mararengay kananta repunan i dekalr na dawdawan mu, na vangsaran mu pupana da valray na “ pinarepunan data inurepun i dekalr ” pana’u.

kemani tuy pinarepunan a, kemay kana “ ayawan di na rahan ”, mau lra na “ temararamaw di na dawdawan ”, di nanta “ cusi di na tinudawdawan” diya, ulra diya na “ tainainayan di na vulavulayan ”.

na ma’inay i palakuwan, tu pinarepunan mu, mau na musavasavak, di na inavangulr na uniyan lra tu turuma’an na ma’inay. di na vangangesaran na adidiya mituruma’an na vangsaran. na valalisen kema ta kana temakesi lra i kuwocong., na cakuvakuvan kema ta kana maralraralrak lra na ma’inayan.

man maruwa diya kadu ini na kakuwayanan na “ inurepunan i dekalr” kakuwa ta mu, mau na kemay awac diya, nanta lra pinicungulran piniangeran kana “ saruma’enan ta ” kema.

emalra nu kapalalisiyan diya i dekalr na Pinuyumayan diya mu, marepulrapulrang, murairaip palru kana mudaway tu kinakarunan, semalra mawmau ini na “ inurepunan i dekalr ” adi diya mureput tuy cungucungulran kanta na pinuyumayan!

na “ inurepunan i dekalr” tuy kinapadangal seme’er kana panadaman mu, mau na kairayan, kakaudan kana ma’idangan, adi ta karuwa adi miturus datu ngai na ma’idangan, melri nu kalalupan na kinuretan da kakuwayanan, ta kalramanaw, ta kairayaw, ta iturusay na ma’idangan, kema na kakuwayanan, na mukinger diya, ulra tu ka’inavayan di karuwa kipanadam da peniya kanantu kinasayhu diya na ma’idangan kema. mau ini na “ inurepunan i dekalr ” tu kedang na pulrepus kanta.

106 年全國語文競賽原住民族語朗讀【建和卑南語】 國中學生組 編號 1 號
部落組織

在部落的歲時祭儀裡,年底是最忙的日子,少年祭開始的第一天,青年會讓少年體會組織運作過程與功能。

除了請長老分析組織的重要及訓勉外,也讓學長分享經驗。在耆老分析部落組織時,青年會把架構分析給大家看,從頭目與祭師開始,再來是巫師與耆老、聚落主席與老人會、婦女會與少女們。而男士會所組織就會分成:壯年組、鰥夫、青年會、青少年、少年。

自古以來存有「我們都是一家人」的觀念,所有祭儀活動,均以分工合作完成,「部落組織」的文化未曾斷過!

部落組織重視倫理與禁忌,除了了解傳統的教育與現代化教育的差異,更要遵行老祖先的叮嚀-服務部落為根本觀念。

學習敬老尊賢、禮讓、謙虛的態度,部落耆老就如親生父母般的對待孩子們,他們會將一生的技能與知識,無條件地傳授給部落孩子們,部落組織有傳承部落文化教育的功能!

文章資訊
文章年度106
文章編號1
文章組別國中
文章語別建和卑南語
族語標題inurepunan i dekalr
漢語標題部落組織
文章作者洪渟嵐
漢語摘要