109 年全國語文競賽原住民族語朗讀【南勢阿美語】 國小學生組 編號 2 號
U sikawasay nu Pangcah

U tu’as nu mita u Pangcah, anu ira ku caayay kabilu a demak.

Caay kanca pitakus tu sikawasay a misadimel tu lalan.

U libung nu niyaru’, u adada nu tamdaw, u sikawasay tu ku midemakay a pakabangcal, u maan ku sikawasay hananay? Anu pakaynin i suwal “iraay ku bana’ tu sakay kawas a demak a tamdaw ”u sikawasay a tamdaw, ira u micidekay a bana’.

1. Makamelaw ku mata tu maamaan, makamelaw tu adingu nu tmadaw.

2. Makatengil ku tangila tu suwal nu kawas, dengaytu a masasuwal.

3. Mabana’ a misaheci tu nangitihan a demak.

4. Ira ku micidekay a nikabana’an tu demak.

U kawas hananay malatusa ku suwal, u kapahay a kawas atu raecusay a kawas, kapahay a kawas salisinan nu sikawasay. U demak nu sikawasay, caay kaw kanu tamtamdawan. Ira ku tatudung nu heni a midemak tu niyaru’,

Talatu’as-- patebu tu tu’as a pakaen tu mihmihcaan, milunguc tu tu’as a pakalemed tu luam’.

Mikeluh-- alamaanan anu caay kaw lemed malibung ku niyaru’, u sikawasay ku mikeluhay, anu makedal ku remiad u sikawasay ku misa’uraday, sapakakapah tu nipaluma tu lusay atu nu luyumah.

Mipuhpuh-- anu siadadaay nu tamdaw, u sikawasay ku mipuhpuhay a mihadeng. Caay haw kadayum a malasikawasay, caay kaw nu tamtamdaw a nabana’ a mahaen a nipatudung nu kawas a patireng. A ira ku micidekay a bana’ kiya a malasikawasay, mahaenay u sasasuwalen nu tamtamdaw.

1. nika’urip kaw bana’ sanay a matingdah.

2. Naira ku ngitih a malasikawasay.

3. Natataak ku adada a mala sikawasay kiya mahadeng.

4. Mihakulung tu kulesudan nu sikawasay a minanam.

Salikulay a suwal anu mamaan ku nikasumad nu rayray nu mita, alumna tu ku micumuday i kiyukay, macakat tu ku bana’ nu ising a mihadeng tu adada. Nikananu tu’as haw ku selangawan nu sikawasay, aka kapawan tu na`uripan nu sikawasay, pibuludi tu a talatu’as nu lising, aka kapawan tu tu’as nu mita.

109 年全國語文競賽原住民族語朗讀【南勢阿美語】 國小學生組 編號 2 號
阿美族祭師

阿美族的祭師,擁有祖靈的能力,為部落族人祈福保平安,每年主持部落的祭祖大典,為部落除穢去災,為族人治病等服務。他們擁有超自然的能力。

1、肉眼能穿越時空。

2、看得到祖靈。

3、耳朵能穿越時空。

4、聽懂祖靈的話。

他們異於常人有著特殊的第六感知覺、超自然的能力且造福族人。

現在科技醫學再發逹,有些特殊狀況,未必都能解決,須仰賴他們超自然的能力,諸如部落的祭祖大典,這是我們的文化,都要借重他們的神力。

文章資訊
文章年度109
文章編號2
文章組別國小
文章語別南勢阿美語
族語標題U sikawasay nu Pangcah
漢語標題阿美族祭師
文章作者張文良
漢語摘要