108 年全國語文競賽原住民族語朗讀【北排灣語】 高中學生組 編號 1 號
namasan kakavelian tua se Payuan zuku

tucu a namasan kakudan tua kinamamazangiljanan i Payuan zuku, ini anga ka namasanpazangal a namaya tua sicuayan. qau a marka maqacuvucuvung neka nu kinljangan tua patjaricu, ljakua a marka vavuluvulungan saljivalaw saka pu-’a-i aravac.

“ nu izua maculjaculja i qinaljan siaqan nua mamazangiljan! ” nu inika se Payuan zuku anema keljang taicu a kai, ljakua ini angata ka kaulavan a se Payuan zuku taicu a tulu.

nu kinemnem a timanga, namaya tua paquziquzipen nua taqaljaqaljan a mamazangiljan, namaya tua amin a kipapiayan tua kinamamazangiljanan a ngadan katua mapaqaljayan, a zumanga nekanga nu namuadaw a tja siqaqivu nuka ki izua ayaya, pasaliw azua kai! masa inika kinljangan tua namasan kakudan tua kinaqinaljanan nua Payuan zuku.

a penaqulidan, inika namapuzangal a vavuluvulungan tua inumaljan nua siihu a “ pakiamaw tua kakudan a seman Ljautia ” tua qinaljan i kacalisian. ayatua mavan anga kinasizuan a maljekuya nazua tjaljanguaqan a kakudan nua se Payuan zuku.

uii tu izua namasan kakudan a “ pakazelju ” a pasatua mamazangiljan itua qinaljan nua Payuan zuku, a maru nu izua nakiqinuman i qinaljan, peniliq tua napakisumalji a vinangaljan a pasatua mamazangiljan. ljakua kinaleva a mapuljat nua taqaljaqaljan aicu a pacugan. ayatua kemljang tiamadju tu inika uri kikamanguaqan a amin nua mamazangiljan azua lami, uri sipaseqeljing tua namapaula a caucau i qinaljan.

aicu a namaitucu a kinaqinaljanan i Payuan zuku, kemuda saka uri izua maculja tua taqaljaqaljan? pai mavan aicu a kakavelian nua mamazangiljan itua qinaljan nua se Payuan zuku.

aicu kinamamazangiljanan i qinaljan nua se Payuan zuku, sipatatavelavelak nua maraljakljak, a marevuvuvuvu, qau a sinan kakavelian tua kakudan, sedjaljep a namaya uta a tja sipatatavelavelak a palalaut, ljakua nakuya tja sepi, a tja sanpqetelengen anga aicu a nguanguaq a tja kakudan, a marka maqacuvucuvung nekangata nu kinljangan tua patjara aicu, ljakua saljivalaw saka pu-’a-i aravac a marka vavuluvulungan.

108 年全國語文競賽原住民族語朗讀【北排灣語】 高中學生組 編號 1 號
排灣族人的價值觀

排灣族的階級制度漸漸式微。年輕的排灣族人沒有知覺,這無非是長輩們無奈和痛苦。

「部落有人餓肚子,是部落頭目的恥辱!」-這是不懂排灣族的階級制度的人很難理解的話,但卻是排灣族人再熟悉不過的事。

事實上,年長的排灣族人對於政府的「同化政策」是恨惡的。因為,排灣族最特殊、最有價值的社會制度,首當其衝的受到破壞。

排灣族有向頭目「繳稅」的形式,每有收成的家庭,要挑選上等的收穫送到頭目的家,這是每一個族人樂意做的事,因為族人們知道,這不是為了頭目的好處,而是為了要幫助部落需要照顧的人。

在排灣族的社會,部落頭目是世襲的,這種價值觀也應該代代相傳,但不幸的,年輕的排灣族人沒什麼知覺,這是長輩們的無奈和痛苦。

文章資訊
文章年度108
文章編號1
文章組別高中
文章語別北排灣語
族語標題namasan kakavelian tua se Payuan zuku
漢語標題排灣族人的價值觀
文章作者瓜樂
漢語摘要