109 年全國語文競賽原住民族語朗讀【拉阿魯哇語】 國小學生組 編號 2 號
sipatalʉlʉva ina’a

taluvaʉlʉ puaili salia, arupapia arupakakitamana, pakiaturu laʉlaʉvʉ umaiapʉ, puaili salia pasau tasuhlatʉa, pasakulai tapikakua patʉkʉina’a, upapalu ina’a kumaru’ai auhlunuaisa ihlaku karʉkʉhlʉa ina’ana apuaruma ihlaku. upapaluaku siauhluna ta’iara, marua ta’iara apiapulatʉ, manikiia masasangarʉaku taku’i’iarʉ ta’iaraisaka macuaku aracaihliacu ia, siaravacangʉkia takacicihli.

tainanacu ’ʉ’ʉraisamanana ukuaku milalʉvʉina’a tuaakitamana, pakiaturu laʉlaʉvu ina’a ramucumaini, marumukuakumilalʉvʉ ina ’ana, ta’iaraisaka marumukuaku, takulʉsʉ ina’a ta’iara salia. tumua ina’aihlaku, cacihlisangalʉa ina’a usuaramucu, tumaturu umaiapʉ, mahlauausalia tammi’arahlasʉ, saliamanikimarumana, tamu’uhlahlusa tamu’uahlainaamihlaina’a; aramuruita, tamutamua angahlikiariari, marapihli mamainitaku’i’iarʉ, tamuucuhlipasalangʉlangʉ, hlamamacua tamu’u ihlataiaucanipihlingi, tumuaitamariahlamasʉta’iara, arupatalʉlʉvʉpataluvaʉlʉhlamama, arataisacua ina’akani’i, umauhlicuaina’ataku’i’iarʉ, ta’iaraisaka ihlakuiamamainisatamu’u, macuarataisacuia ausiuina’amʉmʉ. maci miungucu pasamiaia mairahlu pi tʉkʉ taku’i’iarʉ kutaruacapacapangʉ taluvaʉlʉ.

maivʉtʉraʉaina’aia makupatʉkʉ, marihlʉmʉmaihlʉmʉhlʉmʉ, avavu aina’a kuahlacʉngʉakuhlatʉngʉ, manikikuavacangʉa hlitamahlʉnga, piasaʉlahlʉa ina’ana ’ʉ’ʉraisamana, puasairia ina’atikuru patiumakusipaungu, Ta’iaraisaka kuakulangica, takʉlʉpʉngʉia umariva ina’ana ihlaku ’ʉ’ʉrai saihlau, hliulavalavatumalʉlʉvʉina’a, tuahlʉaina’apiauhluna, miunguaku ariari maratumalʉlʉvʉ ina’ana. ta’iaraisaka tam ina’ana langʉlangʉa umupangʉ ihlahlamu tumuruturu ihlahlamu umahlikua cucu’u, kuhlaisai, sipasalaʉvʉ ina’a mariahlai ta’iara salia ma siaucanisa cucusalia, ihlaisa mairahlu arupatalʉlʉva kupitʉkʉ ku taku’i’iarʉ. 

109 年全國語文競賽原住民族語朗讀【拉阿魯哇語】 國小學生組 編號 2 號
媽媽的小幫手

放學回家,我立刻去找媽媽,等著媽媽指派我的工作。我每天都很期待媽媽要我做的事情,雖然有些工作比較累,但我做得很開心,因為學會了,就是屬於自己的能力。

我是媽媽的小幫手,我喜歡跟她一起做家事,總是跟著跑來跑去。媽媽只有一個人兩隻手,要教課又要做家事,實在很辛苦。媽媽說,我們年輕力量大,爺爺奶奶總是為了孩子在做事,現在他們老了,我們是家裡的一份子,要分擔工作,讓老人家休息,現在換媽媽做事,等你長大也會像媽媽一樣,自動自發地去做事。

媽媽掃地時,我就一邊收拾整理。媽媽煮飯時,我就幫媽媽準備菜。媽媽曬衣服,我就幫忙遞衣架。做完家事,媽媽會抱著我說,謝謝你,媽媽的厲害小幫手。我永遠都要當媽媽的好幫手。因為媽媽辛苦養育我們,教導我們做人處事的道理,所以我要當媽媽的好幫手,幫她分攤一些家務,身為家裡的一份子,相互幫忙是正常的,沒有什麼累了就不想做事的理由。

文章資訊
文章年度109
文章編號2
文章組別國小
文章語別拉阿魯哇語
族語標題sipatalʉlʉva ina’a
漢語標題媽媽的小幫手
文章作者游仁貴
漢語摘要