108 年全國語文競賽原住民族語朗讀【知本卑南語】 高中學生組 編號 2 號
aw kana viini’as lra na zanum

na kuwo min ciyēnkangcyu papuanger marengay kana trautrau ziyan amanan na patiyula kanizu na pinuwayan za walru na ’a’awan zi na kuli atu ikavavias. nu kana wariwari ’emaw ta za sadalilran, nu parasan nu derun nu katalaulepan puwapuwa zata ’aluzunan za sayatingting maisama’ za parekazuwa.

na inaniwan lra na aawan maw na kuli sazu zazu na walru tu ipauri, ‘‘ azi inava kanantu aluzunan kananta zazek, zi maw natu tavuan ta dara, nantu lrawlraw nata dara. maw na temakakesi ziyan na lralrak mu sahar emau kana kemazu na aawan ’azi pakaziyazi zata awan, kemazu puwapuwa ta viasan.

ta nadamaw emau na zanum na vinias ta kakuwayanan, musama ta paisu zi karuwa kemasaeman izu na pakakuwatreng kanata zazek.

nu emawaw ta kana zanum mu kararuwa puwapuwa kanta zazek i savak izu na zanum. aruwa pakatrilraw kanata dara. aziya trangkar ta matra. zi azi dika kuwatreng ta matra. aruwa pulralrang pakalrumet kanata inekan, azi ta kemazu mivarasa ata atray ata varasarasa ata aisian. na zanum aruwa musavak kananta zazek i savak semavesav kana kuwatreng, azi matrua nu metrai ta, zi inava kana ta luvitr, pakavulay dalus kana mudingan. aruwa padulun kana ta zazek i savak na maluman pakavekal. emaw ta kana zanum mu dalikdik ta!

nu emawaw ta kanizu na aawan mu uri kuwadakuda ta? nu emaw ta mu, markaaw ta. ames ta ketreve, ames mivarasa nata varasarasa, pakasaemat kana ēyo nantu alaken ta zazek. maraames mikuwalengan kana miwalru na ’isi. ames muvasuk kana tungvung remanak zata walri. amaes pakatreme’ kananta ukaukak. mutriyur nanta yavavk natu ikiakarun, zi maw na ’azi pakalrumet kananta inekan zi ’azi ta lra sahar mekan, mikuwalengan lra ta yavavak. izu na ’a’awan i savak mu sazu atu ipa’uri na pinivalrayan, maw na ’azi pakaangangetrul zi ’azi pakatatupa’ mawna remaranak kananta varasarasa’.

na zanum mu nintu rakaz zata iyaangaz, nanta zazek peniya ta yaangaz ta iwayway lra mu, azi ta pakakiruaday kana zanum. nu uri rarengay ta kananta zazek mu, na zanum mu, maw na mekutr veray pakakawang kana marekamelri melri na ēyo. na zanum trempa kananta zazek mu, izu na pahuahu mu mutrulre’ay atu ikahuaahu, inia mu salaw kana pazaangal.

108 年全國語文競賽原住民族語朗讀【知本卑南語】 高中學生組 編號 2 號
喝水

水是人體內重要組成的成分,含量占人體總重量的70%,是人體代謝的必要物質。水是生命之源,不可以三日無水。補充水分不僅在高溫天氣時很重要,在春季,補充足量水分,對身體很重要,一切生理活動,都離不開水的支持。

多喝水利於稀釋血液、防眼乾、避免視力下降、利消化、防結石、通便、皮膚濕潤養顏、益於新陳代謝,好處多多。

只喝飲料容易渴,引起肥胖、得腎結石、降低營養素的攝入量、得糖尿病、痛風、損傷牙齒、導致骨質疏鬆、影響消化、食慾,甚至造成腸胃功能紊亂,引發胃腸疾病、傷腎。

碳酸飲料中含有大量色素、添加劑、防腐劑等物質,沒有一樣對身體好。

建議大家每天多喝水,保持身體健康。不要渴時喝飲料,久會養成對飲料的依賴。

文章資訊
文章年度108
文章編號2
文章組別高中
文章語別知本卑南語
族語標題aw kana viini’as lra na zanum
漢語標題喝水
文章作者陳金妹
漢語摘要