108 年全國語文競賽原住民族語朗讀【噶嗎蘭語】 國小學生組 編號 1 號
melipay

taRbabi sumRat mata ku, taytan ku teRi ti deddan, kenasianem na aneman ku nani, qatangzasan ti iku temaqsi, melalazuk iku sumniz nizi ta qinpanan, melalazuk temukaz pasa uzisan pisapatan ku qemuRu bangRaw meluziup, mulepun ti iku siqudus tu qudus na taqsian, kawayan ku lubus na temaqsi melalazuk iku melusit, wanayka taytan ku ya tama tina ku nani, manna nayau temayta timaikuan zin na anem ku, setangi deddan manna mai minaR tama tina ku tu qatangzasan ti iku temaqsi uu meqayla timaikuan ngasan masuwat.

taytan ku duki maken tangzasan ti iku, azu maken tangzasan ti, kidada na ti zin na anem ku, paqanas ti iku matiw sa tiyam na baliw tu qanan sataRabi meRasa tu sataRbabian qeman, kasianem iku qawman tuqazan tu tangan na taqsian, wanayka naqunian ku pa temuqaz qawka mai qabacu na patudan? talawma tu iRaR na taqsian ni! Raymazuq ay lazat qawka kasianem tu nayau, yau iku semaqay qeman sataRbabi yau iku kasianem, antangi simpatungayaw tu patudan niana zin ku pa semanu tu manna tangzasan temaqsi, sanu aka tu maRabsi ti diki na leppaw niaq, tangzasan ti tama tina ku qaya, Raqana tangzasan ti iku? uu sanu aka tu metaRaw iku munna iku matiw paising, wanayka mai iku tu lubas na iyu, azu ngid tayta tu iyu ku qunian ti, qasukaw nazau qaya zin na anem ku, semaqay ta lazanan kasianem tu muaza naqunian semanu tu patudan, azu mai tu nengi ay sasanuan tu manna tangzasan iku temaqsi, ay ya! kidadan na ti, semaqay iku maseq tu tangan na taqsian, taytan ku maineb tangan na taqsian.

kalinguan ku ti tangi nani melipay, timangu zana melalazuk mai ti iku kasianem, maseq ti tu tangan na taqsian, qawka makasianem tu melipay setangi, ta ngayawan, yau muaza qasuppaRan temayta tu tatezuma ya waway na pinilepaw, azu dazit na leppaw, qanengi temayta ta azazasan ay simmaiplan, manna nayau temayta tama tina ku timaikuan, wanayka azu maken ngid ita sanu, nayau melalazuk mai pama Rameneng tama tina ku ngid ipil tu quni pa iku! melalazuk ti iku melusit tu tangan na leppaw. temanan sa leppaw qaRaynguan qanaquni tama tina ku metawa timaikuan, ay! naRin ti muwaza kenasianem, wanayka ta lazanan semaqay, azu yau muwaza mata temayta timaikuan, nazau a qayRuzik uu melisaw waway na ay lazat haw! sakuwit ti anem na, azu suppaRan na ’daq tu melisaw aizipna.

108 年全國語文競賽原住民族語朗讀【噶嗎蘭語】 國小學生組 編號 1 號
星期天

早上醒來天色大亮,想著上學要遲到了,我匆忙下床,隨便梳洗,穿好校服、背起書包衝出家門,發現父母親的表情很奇怪,而且他們今天沒有叫我起床或責罵我賴床。

眼看時間即將遲到,我乾脆先買早餐吃,但我要如何正常從校門進去而不受罰?我邊吃邊想要說的藉口,一路上想了不少藉口都不太合適,哎呀!管他了,走到校門口,卻發現門是關著的。

原來今天是星期天,我到學校才想起來,其實有很多地方可以察覺到才對,家裡的日曆、手機上的顯示、父母親的反應等。回到家又不知道他們會怎麼笑我了,唉!走在路上,總覺得路上行人都用奇怪的眼神看我。

文章資訊
文章年度108
文章編號1
文章組別國小
文章語別噶嗎蘭語
族語標題melipay
漢語標題星期天
文章作者潘秀蘭
漢語摘要