109 年全國語文競賽原住民族語朗讀【噶嗎蘭語】 國小學生組 編號 2 號
kelawkawayan na pinileppaw ni api

upitu tasaw ti api, yau aizipna temaqsi ta patuRungan taqsian, yau ta utuluan temaqsi. yau kinauzusabetin kaput na temaqsi. sanengi ay kaput nangan na ti adi, ta kinilan na leppaw na, pataz qaniyau masulun mawRawRat. patudan na qaniyau ti wanu, ibabaw aizipna.

meRapatudan tama ni api qaya. mamitulun Raya mata na. anu sumkin nani, maytis pataqsian na qayRuzik temayta tu sudad. pataz siqudus tu puli ay matiw sa taqsian aizipna.

tina ni api nani, kelawkaway ta isingan, meRaising tina na. siqudus tu maRung ay busaR ay qudus, temayta tu sunis ay taRaw. anu metaRaw ya sunis, nizu kemilim tu tina ni api, paqaita tu taRaw. pataz tina na kelawkaway ta isingan temuzus tu tubantuRabi, mai tu lawad meRaybun ti apian.

yau kintulu qaqa ni api, kinausa Runanay, paqenanem tazungan. saqaRaya ay qaqa ni api ti abas, pakuwayan tu bawbi seRi zenna aizipna. meluma tu puq sayza, mais sayza, qawpiR sayza, muwaza nipaluman na tu tenned. yau ussiq zenna na metazuq tu sabaq. temuzus tu qaypanayan, suppaR aizipna pemaRit tu Rami tu senalazat, senababuy, senaqabaw.

saqazusa ay qaqa ni api ti atik nangan na, paRaybautan aizipna. mai ti api pataz temayta timaizipana. azu tina na temuzus tu tubantuRabi qawka temanan hibang, mepilay kelawkawayan na qaniyau. kintulu qaqa ni api nani, ti atik qalizaqan na. pataz aizipna mazas ti apian se lazing qemapaR tu waRang seRi qaypais.

ti abang nangan ni saqatulu ay qaqa na, tayzin aizipna. maduna temayta ti api saqaqabian semasaqay ta lazanan qaqa na, azu mai tu kelawkawayan taytan. wanayka, simqenna qudus na, Raibu ay tamak na qudus na. mipil tu sanu na kaput ti api, mesuppaR qaqa na qemapaR tu sukaw ay lazat, Raya uRat na.

nazau a kelakawayan na pinileppaw ni api, simqanengi qaniyau saleppawan. niana qangidan kelawkawayan ni api? Rayngu pama ti api. wanayka, melizaq aizipna mawRat tu mali, Rusazui pasi qaRapaqawRatan tu mali.

109 年全國語文競賽原住民族語朗讀【噶嗎蘭語】 國小學生組 編號 2 號
api家人的職業

api七歲了,就讀新社國小三年級,班上有二十位同學。最好的朋友是adi,她們常常一起玩。老師是wanu,非常高大。

api的爸也是老師。眼睛大又圓,如果在考試的時候,學生都不敢偷偷看書(作弊)。他常常穿綠色的衣服去學校。

api的媽媽是名醫生,幫小朋友看診。如果有小孩生病了,都是找api的媽媽看診。她的媽媽常常工作到半夜,沒有時間照顧api

api有兩個哥哥跟一個姊姊。大姊abas是名農夫,種菜、種田、種花生、玉米和地瓜。每到割稻季節,她會用稻稈製作成人、豬、牛的形狀。

二哥atik是名漁夫,他跟媽媽一樣常半夜回家,工作很辛苦。三個兄姊之中,api最喜歡他,因為他會帶api去海邊捉螃蟹和撿海螺。

第三個哥哥abang是警長。api常常看到他在街上走來走去,很像沒有工作的樣子。但是,他的制服很好看,灰色的。她聽到朋友說,哥哥他很會抓壞人,力氣很大。

這是api一家人的職業,他們一家相親相愛。api以後想做什麼工作?api還不知道,但她喜歡打球,以後可能會成為選手。

文章資訊
文章年度109
文章編號2
文章組別國小
文章語別噶嗎蘭語
族語標題kelawkawayan na pinileppaw ni api
漢語標題api家人的職業
文章作者陳夏梅、tuwaq masud 杜佤克‧瑪蘇筮
漢語摘要