108 年全國語文競賽原住民族語朗讀【卓群布農語】 國中學生組 編號 1 號
Tusauc tu baluntan

Tuba ca tataqu tu na minhamu qan mis tusauc tu baluntan, muamin ca tuqulaqu pakpaki i-ma pislaingki, asing azam munata baluntani tusauc.

Maca muhan sipulan ca tingmut, muqausan ihan paiuntanan malilia, asa suhan maca’n tuqaizungzung ca sin-lilia cin mupusan mananau tuqaizungzung, na maqtuin kitnga pisqancia i sintusauc. Nitu qantan ca pisqanciap i tusauc, tupa ca tataqu tu asa muqausan qucia tian pintasal is qalinga, takuan nam tataqu qucip ima anku ti tian pisqanciap, asa pintamasazun ca sinsunpan, na maktu manaua’z ca sintusauc. Maca pisqancia a, nitu luhaz tingmut ca pisqanzapan, maca minaun i paitu tustusvali asa pisqanciap, amin ca pulu-unin han sipulan, asa tu daqaqanin pisqancia, maqamav sala ca tataqu madas lamin pisqanciap, muamin azam maqamav.

Hani maca’n qan tasa tu diqanin, dasunam Ding kuciu tataqu cin Apin tataqu munata baluntan. mac-an qa dusa ca uvaa’nanaz malavi, manuk i maduqlaz i maduqlaz tu huluc, mac-an qa taw ca uvaa’naua’z, mainuk i masanglav tu huluc, muamin ca masisipul muhan mai matamasa pintasal i manau-az tu qalinga, muskun nam tusauc ti icia madadangaz qabasang tu sintusauc, cin kipaqpaq ima, tuqan azam tusauc ha, madia ca bunun kipaqpaq ima tanaun lamin. duqain ca duma bunun baluntan, tupa ca tataqu tu lami ca lavai, muami ca masisipul santautauhul pislaingki.

Matan mamantuq ca tusauc tu baluntan, asa muamin mitasa ca isang i masisipul ca tusauc, na maktu duqanu ca masauqbung sinkukuza di, taquan nam i takiqabasang tu sintusasauc, kilim ca tataqu i madadaingaz taqu lamin nanutu qalinga Bunun, mitun amin muliva qalat i mama, tupa ca tataqu tu, qaupas Bunun ca maqanciap tusauc is maupati tu islin, asa nitu inpungulan, asa mamantu ca tataqu.

Maca lavai haip tu sintusauc tu baluntan, na maktu isluc-an is na misbu in masipul. 

108 年全國語文競賽原住民族語朗讀【卓群布農語】 國中學生組 編號 1 號
合唱比賽

老師說,我們將參加合唱比賽,同學們高興地拍著雙手跳起來。

每天早上,我們就在操場集合練習,先做體能訓練,要先跑操場十圈、再慢走2圈才回到教室練習。唱歌不是那麼容易,首先要用肚子練習吸氣、吐氣,等到氣順了,歌聲才會好聽。不只是早上練習,午休及下午4點放學後,都是練習時間,老師也沒有休息,認真的教導我們。

到了十一月,我們去參加比賽,男生穿著白色傳統服飾,女生穿著藍色傳統服飾。當我們站上舞台,集中精神唱出了布農古調,又唱了拍手歌,當我們唱完,突然聽到熱烈的掌聲,合唱比賽結束,成績揭曉,老師說我們得到冠軍,所有同學都跳起舞來。 

合唱比賽是特別的經驗,是種需要培養「團隊默契」的音樂,特別是古調的練習,老師還找來部落耆老,教語言的發音。老師告訴我們這些古調只有布農族才有,一定要記熟。這次得到合唱第一名,將是最棒的畢業禮物。

文章資訊
文章年度108
文章編號1
文章組別國中
文章語別卓群布農語
族語標題Tusauc tu baluntan
漢語標題合唱比賽
文章作者蘇秀華
漢語摘要