108 年全國語文競賽原住民族語朗讀【卓群布農語】 國小學生組 編號 1 號
inak tu hubung

heiza nak mataiklac tu bungu, makucia ak bungu pismantuk, tupa ca tataqu tu asa tu maqasmav masipul, buntu sadu paitasan, namaqtu mintaiklac ca isu tu bungu.

Makucia kak mata, sadu vaivivaivi manauaz tu puaq, sadu madaqvas tu ludun, han sanavan sadu diqanin heiza ca buan cin madia sala ka bintuqan, mantan manauaz saduan.

Makucia kak tainga tanas kaviaz i nak tusasauc, tanas vaivivaivi ka loqai tuiiahan sipulan tanas tataqu bazbaz is macial a qalinga, buntu ca tataqu mahiqin zamin tu asat maqasmav masipul nitu maqtu minuni mangai a masisipul, asa tu tana qalingas tataqu cin madadaingaz.

Makucia kak ngulus maus mananbauq a kakaunun, namaqtu pintamasaz i hubung nak, tupaca tataqu tu asat makackac ca hubung na maqtu dangias tamasaz masipul cin kukuzas cikaupa ka kukuzaun; makucia kak amin ngulus bazbaz, bazbaz is macial tanaun tu qalinga, tupa ca tama nak tu nitu maqtu bazbaz is madikla a qalinga, asa tu buntu bazbaz is pintamasaz i bunun cin pinahip i bunun tu qalinga, nitu qalmang mahau i bunun; makucia kak amin ngulus nak tusasauc, masumsum is diqanin maaiv zakun i maqacqac a hubung.

Makucia kak ngutuc saak is mahancum sakun a puaq, maca mahanat i sanglav ca tina ki nak mantan mahancum sakun.

maca ima ki nak maqtu mapatas, mitun nak mapatas i paitasan, isaivi tama cin tina ki nak, tupas madadaingaz tu miqumiang muun nangu masaipuk zakun.makucia kaka min ima matiun cin matasi vaivivaivi ka mamaaz, maca ima nita a maktu kukuza cikaupa ka kukuzaun.

Makucia kak bantac i nak tananak muncaan sipulan masipul, han inuluan tu diqanin, tananak muncaan sumsuman masumsum, muncan quma kadangaz is madadaingaz kuzakuza.

Mantan nak manahip di maqacqac a hubung nak, maqtu ca bungu pismantuq, maqtu ca mata sadu, maqtu ca tainga tana, maqtu ca ngulus bazbaz, maqtu ca ngutuc saak, maqtu ca ima huzanghuzang, maqtu ca bantac mudadaan.

108 年全國語文競賽原住民族語朗讀【卓群布農語】 國小學生組 編號 1 號
我的身體

我有聰明的頭腦,我會用頭腦思考,老師常說:「要認真讀書、多看書」才會讓頭腦更靈敏。

我用眼睛看各式各樣美麗的花朵、高高的山,在夜晚可以看到天空中的月亮和星星,非常美麗。

我用耳朵聽我的朋友唱歌、各種鳥類的叫聲,在學校聽老師上課,老師一直叮嚀我們要用功讀書,不要變成懶惰的學生。要聽老師和父母親的話。

我用嘴巴吃營養的東西,讓我的身體更強壯有力;嘴巴也可以說話,我用嘴巴說好話;我也用嘴巴唱歌,唱出對上天的感謝,感謝祂賜給我健康的身體。

我用鼻子聞花香,媽媽煮菜時,總會聞到很香的味道。

我的手寫字,有時會寫卡片給父母,謝謝他們的養育之恩。我也會用手編織和做各式各樣的東西。雙手可以做很多的事情。

我用雙腳走路去上學,放假的時候,我會走到教堂做禮拜,有時會走到田裡幫父母工作。

我擁有健康的身體,頭腦可以思考、眼睛可以看見、耳朵可以聽見、嘴巴可以說話、鼻子可以聞、手可以動、腳可以走路。

文章資訊
文章年度108
文章編號1
文章組別國小
文章語別卓群布農語
族語標題inak tu hubung
漢語標題我的身體
文章作者何美玉
漢語摘要