106 年全國語文競賽原住民族語朗讀【東魯凱語】 高中學生組 編號 3 號
twalralrake

yakai ka lramalriyalri lra mwarairai’i tolavai, si lra ikai ka maboy kiya ’aele morai’i si lra maka tolralraka nenga, si kadrwana kiya’abala idra tato lralralraka si ai taw tolralrake ka thadaini, lra davace to’ala ki lrarai’ilrini, sa ’adalo nga si tato kodralriyalriya lrokai kiyangeang ki barangeini , lra ala idra karadrare ini si davace si kai thingalre sa wa dravace mo baliyo, lrai tokodralringa si kadrwa lra ceelre si kadrwa ka lramanema neini, wa davace mo baliyo lra iya ko lra rai’ini si, kwadra maboy sa kaiyana kelra baliyo lra kiyangeang ki barangeini ai tolralrake, lrakai thingalre sa ai ywa ino lra davace mothilri kaelea, mwa idra obolra tolralrake sa motalrivaivai kwadra lralrake, lra kai thingalre sa ai ’ikakwa na ala li’oco lroiya, mathorare lra kasegerare si kadrwa ka omase ka wa libalibate, naw sarare si davac mobaliyo si ceelre sa omase ni kelra mala lraiya, si lra ala idra yaini ka sokono si ’awa kobo si davace.

 lra kelra daane si kadrwa ka natangea nga ka omase, lra kidolo ki ta dadavaca neini naw a’ea’ea’eceana tako adradraw sa omase ki sakadrosalri lra, wa mothigai si maladalo drimiti, sa mobalibaliyo kwadra mwa omawma kiyalalra sa tobitobi ka ledelede, bababala mita lraiya si malabwabwalre mobere, lra kelra kwadra kaingolrini so a’ece macaemeso lraiya, lra ’ekake ceelre si kasalemesemenga lra mokolrodro kawriva sa kelranga ko salongoini, so kelra maladalo wa’ece macaemeso lraiya lra kawrivanga, twa lralrakako lra sararako’ikai’akaidra lraiya lra davace tarwawng tarodrosa ki takaini, siyoralre si mwa ceelre si ababonga nenga ’wacay. 

106 年全國語文競賽原住民族語朗讀【東魯凱語】 高中學生組 編號 3 號
生孩子

有個孕婦快到預產期,因為第一次懷孕,是第一胎,仍然跟著大家一起去工作,忽然,她感覺到快要生孩子,就沒有跟工作的人講,也沒跟先生講,就偷偷跑回去。中午吃飯時,大家沒有看到她,也沒有看到她的東西,猜想她大概回去。懷孕的婦人還沒有到家的時,半路開始痛,不知道要去哪裡,就跑離馬路,到有草的地方生孩子。當小孩子出來時,不知道該怎麼處理,小孩子滑滑的,只好放著先回家找人幫忙。 

因為生孩子很累,還沒等家人回家就睡著了。黃昏時,工作結束後的人,聽到小孩的哭聲,好像鬼的聲音就跑了。奶奶問婦人:「為什麼在睡覺?是生病嗎?」她嚇一跳,很怕講出她有生孩子。等先生回來時,她才跟先生講她生小孩了。她的先生跟哥哥帶著火把去看,發現小孩子身上已經都是螞蟻,已經死掉了。

文章資訊
文章年度106
文章編號3
文章組別高中
文章語別東魯凱語
族語標題twalralrake
漢語標題生孩子
文章作者林得次
漢語摘要