108 年全國語文競賽原住民族語朗讀【拉阿魯哇語】 高中學生組 編號 4 號
ngasaka macuisapalungu cucu’u

maruka cacihli pakiaturua kiahlahlahlamukarina hlilʉmʉmʉkʉmimiliki mahluahluasʉ malapalapangʉna. umahlikua. ’ihliculangica pakiau amihla, mimiliki mahluahluasʉna. tumuaiatʉhlʉngasahluisa iniciki’ai tuahlʉ milimucucua ramiaisana, malitʉnʉlʉ ihlau, tuahliumana siacalaiu matacapiusahlʉ siaravacangisa tumangura macuisa umusahlicu

pakiumana kana’ana, hliulavalava ’ihliculangica tumuakiu’ukuna sahliakuaʉisa tahliaria malitʉnʉlʉ ihlau, uvuraisana sihlangʉ aunanacua tahliariana sumahlikuasasaruanana

pauhlaluhlalusumana kana’ana pakiau amihla kani’i tumukana’ana apauruhla parahlatʉra siahluamiaisa kani’i, kiu’u mimilikina, makacani apaicuvu mahlipi uruhla, miungu curuvanaisa, kiu’u mimilikina maci’icu musa kana’na, kihlahlamu cacihli pakiaturua, kiahlahlahlamu karina, amihla pakiaturuana, hlilʉmʉmʉkʉaku mʉmʉa, kiu’u tamuucu hlimahlutavuhluvuhlu’u, kuakutuvarʉ’ʉ parapihlisana, usumaʉ sitakuamia.

ucanika, hlipakiauaku, ’ihliculangicana arumukaisa mimilikina, tuahlʉ maru hlipaiatuhluhla ’ihliculangicana, mahlulangica, mahlutaisa, marumaruita maci asi, siaucani pakiaturuana asimatamuhlua, hliacahlikia, macahlia takacicihli ngasaka pakinia, kuapalupalu, ’ihliculangica kani’i, kana’a atamahlʉnga mii. ngasaka maitahlu palungu cucu’u ihlaisa ’ihliculangica mataingalʉ macahliatuata, ta’iaraisaka macuisa macahlia pakiniata, kamicicu umaru tʉkʉ matialu hla musuturu, maramacua hla atʉhlʉnga. 

108 年全國語文競賽原住民族語朗讀【拉阿魯哇語】 高中學生組 編號 4 號
誰是真正的主人

有一個牧師種了一棵橄欖樹,向上帝禱告說:「橄欖樹需要充足的水分,求祢降下甘霖。」果真降下了雨。

他又禱告:「我的樹需要熱情的陽光,求祢給它陽光。」於是,陽光就普照大地了。

而他繼續禱告說:「它現在需要冰霜來堅固它的組織。」這橄欖樹立即罩上一層薄薄的霜,到了晚上,橄欖樹卻死了。

他把這經歷告訴另一位牧師。那牧師說:「我也種了一棵小樹,長得很茂盛,我完全不為它操心。我把它交給上帝,沒向祂提任何條件,只是禱告上帝提供橄欖樹所需的一切,它就在上帝的照顧下,長得又高又大。」

我們很像第一個牧師,覺得自我了解很多,知道自己該要什麼,期盼上帝依照我們的想法做這做那。

事實上,誰才是真正的主人?正是上帝。祂更了解我們的需求!無論風霜雪雨,都是因為祂真正知道我們需求什麼,並適時給予。我們只要用心去接受,在過程裡學習,心願就能達成。

文章資訊
文章年度108
文章編號4
文章組別高中
文章語別拉阿魯哇語
族語標題ngasaka macuisapalungu cucu’u
漢語標題誰是真正的主人
文章作者游仁貴
漢語摘要