’ataw kiSka:at ray ’ima ’ibabaw o kayzaeh ka kakiSka:atan noka to’oya’, nasiya taew’an ’okik liyabo’, yaba’ kamamiyalawa’ ka kaSir’aran, papi ’am pak’akoey ka minari’ rayhil, siya rima’ tal’izaeh ka minsae:pae’ honaehnge: ila. ’ataw ma’az’azem hi yaba’ matawaw kin hopay, ’isa:a’ So: siya honasamez ma’ rima’ kanyaba’ ’ay kapatawawan tatilhaehael, maySiri: noka kamaSomir’ar ka minsae:pae’ mari’in Siboeloe’.

’aehae’ hahila: ’ataw homiba: ka ’ima ’itoSan katoeh ki hahngae’, mam komontotol ka ka’aSkanan ka minsae:pae’ kaS’abo’ ray noka zingki’ nom mohae’oe: a manakiS kapapama’an kil ’aehae’ ’oya’ o korkoring. hiza ’oya’ komita’ hisiya tomortoroe’ ka korkoring Sa’, “ So’o mina pakakreng kiSka:at mayhael ’izi’ nak hisiya, kin ’ibabaw ila matawaw ka nom boeloe’ ka minsae:pae’ ’ana kano’ ma’ haSa’, nakhini ’ana ’inowan ma’ ’am hopay! ” noka ’oya’ pinayaka:i’ ’aewhay kabazae’en, ’okay koSa’ Sapang mae’iyaeh haysaza!

siya narmeS o tabin kapotngoran ila, siya komontotol ka koroma’ kas’oehaz ray kapapama’an. ’isa:a’ Sanabih SiS ka korkoring Sa’, “ So’o

mina kilwa’is kiSka:at ’izi’ nak ya:o, ray kakiSka:atan kamarengreng minSa’la’ no saboeh, ’am kaSkoraeh ray ’ima ’ibabaw kakiSka:atan ’okik ra:ami rima’ ray ’ima kayzaeh kiSka:at; ’am kaSkoraeh ila ray ’ima sobae:oeh kakiSka:atan ma’ rima’ ray ’ana hiya’ ma’ komoSa’ ’ima kayzaeh ka kakiSka:atan noka to’oya’; kaSlatar ila o rima’ kiSka:at naehan, ’a’inola’ ma’ mari’ ka rinokol! mina ’izi’ nak hi ya:o mina, ’ana kano’ ma’ haSa’! ”

bi:il ila hiza ’oya’ ra:am Sa’, ’ataw noka kamamiyalawa’ korkoring, So: honasamez mowa:i’ tatilhaehael. ’isa:a’ komoSa’ ’okay paylal’oz. ni ’ataw kapa’onhaelan ponrowa’en Sa’, “ kamaboeloe’ ka minsae:pae’ mina ’okik koSa’ ’oka’ ka wa’is! lasiya ra:amen ’oka’ ka rayhil hopay, ma’ komilwa’is. So’o tiSkobih ila ka saboeh no kamaboeloe’ ka minsae:pae’! ”

kapatawawan ’okay koSa’ kayzaeh a ’aewhay. nawSa’ tahoki’ saboeh, miya’akoey ka tinikaehaw. ’am hiya’ ila boeloe’ ka minsae:pae’, kora:an, mamowa’ ka tatimae’? ’ita’ ra:am ila! haeba:an ka kamamatawaw romarang a tipangihin, pinatawaw hopay. kamamaSa:eng ray tinaew’anan ’okay pakhara:i’. ’ mina ’oka’ ka howaw komoSa’ ’ima hopay matawaw ’ima siyobaz mae’iyaeh.

’ataw是國立大學碩士班的高材生，出身在一個家世平凡的家庭。他爸爸是個大廈警衛，兼差幫大廈的住戶清理垃圾，數十年如一日。顧念爸爸賺錢的辛勞，’ataw一有空，便到爸爸上班的大廈幫忙，上下每一個樓層，挨家挨戶地收垃圾。

有一回，他推著收集垃圾袋的手推車，和一對母子共乘電梯上樓。母親逮著機會，在電梯裡現場教育她的小孩：「你要用功念書，將來才不會像他一樣，長這麼大，除了幫人倒垃圾之外，什麼也不會，是個沒出息的人！」母親講話非常尖刻大聲，完全無視於他的存在！

他忍到他要到達的樓層，才推著車子步出電梯。臨走時，回過頭去，也「勉勵」小男孩一番：「小弟弟，你要用功念書。我國小國中的時候，老是考第一名，高中就考上建中，大學考上政大，考研究所不小心又考了第一名！」

那個母親後來得知’ataw是警衛的兒子，特地向他道歉，’ataw的朋友告訴她：清道夫不是沒有用、沒出息的人！他們或許在金錢物質方面貧窮，但絕對不落魄。職業不分貴賤。