Tuya ratar nu da: bak, sacacay saan a miala tu elun a maru’ a misu’ayaw tu putal a maru’ i panan, awaay ku cabecabeng aca. Iraan sa u apuru’ ay a titic ku nisarangatan, matiya u sacacay sanay i tini a ma’ urip, awaawaay ku i teparay a pacabay a ma’urip i tila, sa’uya’uyan, salipahak, siwatid saan. Satukusa a maekek a mimelaw tira dabakay a calamay, ira nika sani i raay, sani mingata a mananuwang sabangcal saan. Matiya i kakarayanay nika riharay a ma’urip.

Caay kate:nes masadaktu ku cidal na maka sawaliyan a sasedaseday saan a patanengal, besuc sa a awaay ku cahit. I matinitu a masapinang ku lutik i sawaliyan, ira nika salangdaw, bangcal nu kilakilangan, pakadihemay sanay tu balucu’ nu makamelaway nu nimanima. Sabangsis saan ku sadak nu sanek nu kilang i kakarayan, sulikul han a mamelaw kira Siw-ku-lu-wan-si initu caay piraay, satalikul han naca a mimelaw, ira kiya sa tanektek, sa tarakaw sananay a Cung-yang-san-may, matiya u nikulitan i aayaw. I mucerem nu sangsangdeb a kakarayan, salangdaw saan ku awaay ku kutem nira kakarayan, i matini dengay hen a makamelaw hen tira makasasaay a mabaher a akak a misaliyuliyt i kakarayan. Pasubana’ ay tu tamdaw tu nika kapah nu ’urip i Ta-ce-rang.

I herek nu nikalabi, caay kanca pisalamal ci baki, tu sapisangiru, sasilsil sa amin i aayaw nu ngiru a mitengil tu kungku ni baki, tu demak i ayaw nu niyaru’. Satueman sa ku labii’ nu niyaru’, katalawan saan kira ni ka terep nu awaay nu engiengiw, melaw han ku tuki i waluay henay, ira na’ un nu remiad, ira nika sadihemay nu balucu’ atu  riharay nu tireng, suelinay ma’ ulah kaku tira nika riharay atu saterep i tila.

清晨的早上，獨自一人搬張椅子坐在門前的廣場上，眼前沒有圍牆只有榕樹的矮籬，讓人有如置身天地間，無拘無束。靜靜地看著眼前的晨霧，忽遠忽近飄渺移動著，猶如仙境一般。

不一會兒太陽從東邊升起，露出一道道曙光，這才將瀰漫的晨霧迅速驅離散開。秀麗的海岸山脈露出型態，清翠的樹木盡入眼簾，讓人看了心曠神怡，空氣中有股清新的感覺。往後看秀姑巒溪就在不遠處，再往後看些就是雄偉的中央山脈，眼前這一幕就像是一幅山水畫。

黃昏後，蔚藍的天晴空萬里，偶而還可以看見老鷹低空盤旋，讓人宛如置身大自然。晚餐過後外公總會生一盆火，讓大家圍坐取暖，也聽他聊著部落的過往。部落的夜晚一片漆黑，靜得讓人有些害怕，我看看錶才八點鐘。一天緩慢的步調，讓我精神完全放鬆，我就是喜歡這樣的悠閒與寧靜。