106 年全國語文競賽原住民族語朗讀【都達語】 國小學生組 編號 1 號
Kari tninun

Tninun pnsltudan rdrudan ta, kiya enca knkla mi tmdahu dha qqridil ta ita Sediq. enca ka payi Bakan Nawi alang Snuwil “Mqridil ta ita Sediq ini kla tminun da, sqsiqa dha balay ka kiya, sluhay tminun ciida u pdparu balay bubu dha, uxay wana pdaun kari rmngaw ka tminun nii, asi ka spoda kndrumuc, qmita tminun bubu mi dadan dha qqridil, psaan dha tunux ka euda tminun nii, asi ka psaun lnglungan.” Nasi niqan qnuqu ka tninun dha daw ana ksangan bubu dha, uxay uri u sqada na cka dxral da.

Qmita knkla tninun laqi qqridil ka sediq alang, spruun dha bay qmita ka qridil mkla tminun, kika asi ta klaun balay, sprun bay laqi qqridil ka knkla tminun nii. Alang ta ita Sediq pa, laqi qridil u niqan tninun dha lukus, pala mi sow pndpilan lukus niqan tninun dha tokan balay mi tokan rawa ka snaw uri. rakaw lukus u primax dha mbanah, mqalux, mbhuway mi rakaw mdamay(棕色). Niqan bay knkla dha tminun ka rudan ta ita Sediq, klaun dha bay tminun mi ou bay ka rakaw tninun dha ka qqridil, tmdahu bay sediq alang. Tminun ka mqridil ta ita Sediq u mhuma naq kri mi qmnuqah, nuqah nii ka waray ttinun dha, sow ka rakaw elu tninun dha capang doriq, unsunguc mi miri nii wa, niqan pngluban Waya dha, tminun pala haya mi ssais dha lukus, capang hilaw taqi mi lmlamu kabang ppanun.

Saya daw, ssalu dha lukus plkusun risaw mi wouwa cnduray duri da mi, ssais dha bunuh, sapic mi lubuy ppsaan qqiya, wa mrana mi mnriyung sow tdhriq ka tninan dha, wawa pqyaan qnabin baraw kana. Ani sow kiya wa ini dha pdangi ka rakaw elu ttinun rudan ta.

106 年全國語文競賽原住民族語朗讀【都達語】 國小學生組 編號 1 號
編織藝語

婦女代代相傳的紡織技藝,代表著賽德克婦女的美德與榮耀。Bakan奶奶說:學習的過程絕對不能用口語傳授,是從觀看母親或女性親友織布的過程中,暗自記下紡織的方法及程序。

賽德克族女性的身價,以是否擅長紡織手藝為評價。賽德克族部落以製作傳統服飾、手工藝、藤編等為最首。服飾以白、紅、黑、褐色為主色調,手工藝則為綠、白、黃、藍等顏色構成圖案。編織技術更是女子社會地位的高低、能否紋面的判斷標準。賽德克婦女們以自己種植的之苧麻搓揉染色後,排列在織布機上,結合其具有文化內涵的圖騰,織成各式花紋布匹,進而變化成服裝、背包、飾品等。

近年來,許多原住民設計師,除了保留傳統特色,還融入現代的元素,設計出更適合大家穿著的服飾,創造更具特色的原住民服裝、帽子,拖鞋、包包及手工飾品等。

原住民設計師們憑著一股熱忱、一份傳承文化的使命感,堅持用另一種方式,將屬於賽德克族的精神綿延不絕地傳遞下去。

文章資訊
文章年度106
文章編號1
文章組別國小
文章語別都達語
族語標題Kari tninun
漢語標題編織藝語
文章作者賴美燕
漢語摘要