111 年全國語文競賽原住民族語朗讀 【太魯閣語】 高中學生組 編號 1 號
Enrian tama quri laqi

Thowlang!

Smleani ku ha laqi mu, pniqi biyax lnglungan tgkla kneuwit na nanak:smtrung saw ksgun o tai saw mha mttuku bi rmun na, mniq kska knbalay na sdgiyal o ini srinah; mniq kska tmgiyal o ida qnsbilaq mnegseesu bi lnglungan na.

Brahaw misu smleani ku ha laqi mu, tai saw aji mha kbrhuan ka lnglungan na ungat endaan; dduli quri tgkla sunan, balay kngkla pusu tasil o tgkla hyaan nanak.

Mdurun ku, tai su saw ddulun quri aji empeysa tgblai ni suyang, rndahi powda niqan smeebrah lnglungan, mqraqil ni tmgjiyal, mniq paru bgihur o pslhayi ptgdhug phiyug, pslhayi gmealu seejiq wada sdgiyal

Smleani ku ha laqi mu, mtasaw lnglungan, pthiyaq bi ka paru dnngsan na, tai saw dnudul seejiq brah na o mkla mgriq hyaan nanak han;saw na aji shngiun ka tnegsaan hyaan sbiyaw, duri ni tai saw pkrana suyang dnngsan quri hici.

Niqan kana saw ga srngaw baraw nii ka hiya do.

Mdurun ku duri, biqi hyaan ka mttuku bi lnglungan saw rmnaw bi, tai saw balay bi mnegsesu lnglungan na, aji mha pskiiyux hyaan nanak.

Brahaww misu biqi hyaan ka qnsbilaq lnglunghan, tai na saw aji shngiun ana bitaq knuwan ka hmut kndsan o mniq balay bi knparu, mtrawah lnglungan o mniq kkla lmnglung, mneuxul lnglungan o mniq balay bi biyax rmun.

Mdurun ku sunan duri, smlaani ku kingal laqi mu mtasaw bi lnglungan na, niqan bi gnealu, qnsbilaq bi lnglungan,gmealu seejiq msula kndsan, mqraqil kndsan ga csdamat bi kndsan rdrudan ni muda ana manu kkslagu lmnglung qpahun kana alang Truku.

Manu saw kiya do yaku ka tama o tai ku saw mtduwa pnlbu rmngaw aji kbrhuan ka kndsan mu ” msa ku.

Thowlang mu Utux Baraw, isu o tndhuun mu, tmdahu ku sunan kdjiyax, wana isu ka spruun mu mqaras.

111 年全國語文競賽原住民族語朗讀 【太魯閣語】 高中學生組 編號 1 號
父親為子祈禱文

主啊!求你塑造我的兒子,使他夠堅強到能認識自己的軟弱;夠勇敢到能面對懼怕;在誠實的失敗中,毫不氣餒;在勝利中,仍保持謙遜溫和。

懇求塑造我的兒子,不至空有幻想而缺乏行動;引導他認識你,同時又知道,認識自己乃是真知識的基石。我祈禱,願你引導他不求安逸、舒適,相反的,經過壓力、艱難和挑戰, 學習在風暴中挺身站立,學會憐恤那些在重壓之下失敗的人。

求你塑造我的兒子,心地清潔,目標遠大;使他在指揮別人之前,先懂得駕馭自己;永不忘記過去的教訓,又能伸展入未來的理想。 

當他擁有以上的一切,我還要禱求,賜他足夠的幽默感,使他能認真嚴肅,卻不致過分苛求自己。懇求賜他謙卑,使他永遠記牢,真偉大中的平凡,真智慧中的開明, 真勇力中的溫柔。

我還要向你懇求,請塑造我的孩子 有一顆清澈的心、有愛心、謙卑的心、關懷窮困的獨居老人及在太魯閣族部落投入任何公益得工作。

如此,我這作父親的,才敢低聲說:「我沒有虛度此生。」

 

 

文章資訊
文章年度
111
文章編號
1
文章組別
高中
文章語別
太魯閣語
族語標題
Enrian tama quri laqi
漢語標題
父親為子祈禱文
文章作者
吉洛‧哈簍克
漢語摘要