harem i kani siyakay(社會) sazu na ’emilring za padawak. sazu na ’aremeng na tiyam, na tratrekelan, marayas muvasuk na lavang semasirep kana padawak. ulra a papida na hayyo maranger temulrtulr zantu kadadikayan sayhu, zi maruwaya pakadalikedik kantu zazek kema. zi temalram semirep za padawak, taw kalrazamaw kana kingsas. nu mudulram ziya za padawak zi maranger puelak maziyazi mu, salaw kakuwalengan ini na lremak.

sazu a marekamelrimelri a padawak, paruwalruwanay, Anfuwitaming  Ktaming, Hongzong, Paypan, palingaling za tranguru’ na puwatremel, Tama, Mafuy, Hayloin, zi na zuma lra. nani na padawak inta na trau nu kemirakaz ziyan semirep mu, salaw semangal i anger, matemuy za talrimayan, zi mapapu’ang tu anger. aramawana nu malremes ziya izu na padawak payas apeleng tu anger, iniyan za kezang tu zazek, ’azi maranger kikarun, pakasa semirepa ku za padawak kema. semeneng kemay kanini mahiyan lra.

nani na padawak pakakuwaatreng zantu kakudakuda ziyan za zazek, paruwalruwanay nu tatelraw lra tu sinirepan kana Ktaming ’azi lra pakaseput tu isi’. na pakirev mu, pakakuwaatreng zanta punu’, ’azi mupatezelr tu anger, ’azi pakadikedikes zantu anger venavavutrung. malrazam zzatu kuwatrengan mu, aramawana mara’azi kalre’ayan nu meraretra’ kana tamaku. nu ta paruwalruwanay nu ’azi semirep kana Mafuwi, Hayloing mu, herareheran peniya tu zazek mukerker, merarutreng, pureungeungetr, pureuleule’. semeneng salaw ka’uli’ulid meretra’. pawnung lra na trau mupatraran kemay imengan ’azi pakaretra’. nani na padawak pazazangalan, semeneng kazuwan na semasirep i talikuzakuzan mutrerev tu pinieman i savak, ulra na trematrakaw mutumale’es, mutuuwakasayan.

’azi ta kalre’ayan melak za padawak ikakuwa, ulra i trapingiran kanta. pawnung ulra lra muwasavakan i takesiyan, nani na menaniwan kana padawak ulra na tu pakalranganay kana temakakesi zantu ka’emilringan. tu kezekezengaw pasirep mekan. nu manadam lra mutupakarunan lra, paruveli meniwan kana padawak kanantu lralrang. semeneng amanan na patalram pasevang elra temamaku zatu tamaku, ’emau zatu ’a’awan za trau! kaulra zinawlan za padawak.

社會充滿了毒品的誘惑，許多夜店、酒吧經常發生客人吸食毒品；也有藝人以增加靈感、提神為理由，嘗試吸毒遭到警方查獲。

毒品的種類很多，例如安非他命、K他命、搖頭丸、大麻、嗎啡、海洛因等，這些毒品一開始吸食時感覺身心愉快，但毒性消失，頓時感覺心情低落、全身無力，只有再次吸食才能維持身心的愉快感覺。

毒品會毀壞身體器官，長期吸食K他命會造成小便失禁，更嚴重會破壞神經中樞，無法集中精神，產生幻覺幻聽。然而戒毒比戒菸還困難，一旦停止吸食會全身發抖、打冷顫、身體捲曲、流鼻涕眼淚，甚至有人進出監獄多次仍是戒不掉。

毒品一天的費用要幾千元到幾萬元，並非一般人所能負擔，因此許多人最後傾家蕩產，有的更淪為小偷、強盜或出賣自己的肉體。

實毒品就在身邊，甚至已經入侵到學校。毒販利用學生的好奇心，引誘他們吸食，上癮後就變成下線，替毒販賣毒品給其他學生。因此絕對不能好奇的嘗試，也不要隨意抽他人給的香菸，或者食品飲料。