107 年全國語文競賽原住民族語朗讀 【太魯閣語】 國小學生組 編號 4 號
Dgiyaq suyang nTruku-- Dgiyaq Klbiyun

Sbiyaw balay, “ Tmpupu ” sun dha ka dgiyaq Klbiyun, gaga hiya ka paru balay qhuni, sngsagan sida ni rnabaw niya o ana jiyan mnkuung mdka keeman, niqan 1 jiyax, smriyu paah lhbun qhuni ka 1 mneudus 4 papak ubal kana hiyi na. Smriyu 1 duri mneudus o niqan Pungu baraw na mdka rungut qhuni qtaan, paah baang na o niqan 2 gamil ni 2 sida, smriyu duri paah baraw ka 2 mneudus, mlglug lqling bbaraw ni mtduwa mksa ka 1, mtduwa skaya karat ka 1, kika samat, quyu, ni qbhni sun.

Smriyu paah baraw ka 1 o mniq qhuni baraw, smriyu paah truma o mniq dxgal, saw nii ka kndsan samat, quyu ni qbhni.

Ana yaa smnriyu paah qhuni ka 4 klgan mneudus nii o ini pseupu, niqan 1 jiyax empprngaw ka dhiya, “Paah sayang asaw kkeudus ta, usa smpung mkan saw uqun ta nanak ni meudus.” mkksa.

Smriyu paah lhbun qhuni duri ka 1 snaw, smriyu paah hiyi na ka 2 laqi, 1 o snaw, 1o kuyuh, paru do maamsddungus da, mtucing 1 laqi dha, mrana paah hini ka Truku msa ka rudan Truku sbiyaw. Wada bsiyaq knxalan mkreurus mniq eneana inu ka laqi laqi dha, duma o mniq ddgiyaq, duma o mniq bbreenux, phiyug nanak bgurah sapah nniqan dha.

Niqan patas Nihung rmngaw quri pnyahan Truku sbiyaw, Brah 300-400 hngkawas, yaasa mrana hbaraw ka lqlaqi Truku mniq nniqan dha dxgal Nantu truwan ribaq hidaw, ini tuku ka dxgal qqpahun ni saan maduk do mnkala Dgiyaq Klbiyun mquri nklaan hidaw mtmay Dgiyaq paru miying dxgal nniqan, asaw bi pkrana dxgal nniqan ni kmlawa sapah dha, mnsuwil mkeekan ka dhiya.

Dgiyaq nii o pthangun rudan Truku sun “ Klbiyun ”, laqi Truku embarah sayang do pthnganun dha “ Dgiyaq suyang ” sun, Hmuya ma dha pthnganun “ Dgiyaq duyang ” hug?

Yaasa aji dha sshungi pusu rudan dha sbiyaw, 300-400 hngkawas brah na o mnkala dgiyaq nii ka rudan Truku miyah thjil nklaan hidaw,wana nii ka elug daan dha mnkala. Mnkala hini ka rudan Truku o asi ka tpuqu tluung ni psklabi ka dowriq qmita nklaan hidaw. Kiya do asi dha si “ Dgiyaq Klbiyun ” ka dgiyaq nii. thnganun dha Klbiyun o niqan paru bi pusu na quri Trkuan.

107 年全國語文競賽原住民族語朗讀 【太魯閣語】 國小學生組 編號 4 號
太魯閣族聖山-奇萊山

險峻的奇萊山群,在久遠的古代稱為「被覆蓋的山」,有棵大樹的樹枝及葉子覆蓋的山,形成很大的樹陰,無論白天、夜晚一樣黑暗。

有天,樹下出現四隻腳滿身是毛的動物,又出現了背上有凸形的動物,看起來像樹瘤,各有二枝樹根及樹枝。上面出現二種動物,一個細長蠕動的走路,一個飛在空中,這些是獵物、蛇、飛鳥。

這些動物歷經好幾個世代,「為了生存試著吃自己適合的食物」。樹下又出現了一個男人,他身上生出一男、一女,長大後結為夫妻生下孩子,這就是太魯閣族的發祥地。

經數個世紀,族人趨多,生活空間不足,逐漸散居各地。祖先攀越奇萊山,建立家園,為了拓展領域,保衛家園而互有衝突,族人為感恩此山,稱它為Klbiun,後代取名為「聖山」。

從祖居地南投仁愛鄉Truwan部落遷移到東方時,登上這座山後,須蹲下來瞇著眼觀看美景及遷移的路線。因而得名Klbiun。也是祖先遷移東方的唯一路徑,我們稱為聖山深具意義,它對我們人文地理歷史來說是重要的。

文章資訊
文章年度
107
文章編號
4
文章組別
國小
文章語別
太魯閣語
族語標題
Dgiyaq suyang nTruku-- Dgiyaq Klbiyun
漢語標題
太魯閣族聖山-奇萊山
文章作者
金清山
漢語摘要