kemljang sun tu anema a qemuziquzip a sinipapungadan tua qinatian tjanusun? izua a kuning(lutjuk), izua a likuljaw. manu izua uta pakata ngiyaw a lindavan? nekayu, aku izua a kulavaw a lindavan, sa neka nu ngiyaw a lindavan? izua za milimilingan a namayatucu.

kasicuacuayan, izua tu itaqadaw, maljavar a caucau anga a, “ nanguaq a peniliqi tjen tu tapuluq sa drusa a qemuziquzip tu si papungadan ta lindavan na caucau, nu tacavilj ita a qemuziquzip ” aya. sa liyaw aravac a qemuziquzip i kacauan kitjakudai nu peniliq aya-u? uri tjakudain a peniliq a nanguq? bulai a tjayatucuay, penetji tu itaqadaw, tazua a qadaw, ulja mangetjez a qemuziquzip a pavecik ta ngadan niyamadju, qau kitja penetji a kemasi tua sangasangasang a patje tua tapuluq tu drusa a qemuziquzip tu sipapungadan ta lindavan na caucau.

a ngiyaw kata kulavaw mareljaqedi tiyamadju, saka mareqali aravac tiyamadju, na saljinga tiyamadju tu kipavicik a madrusa.

sa qivu a ngiyaw, “ udjamay anga a vaik a kipavecik, ljakua rutaqedan aken, kikemuda nanguaq ayau? ” tevelain ni kulavaw, “ maya maya mavarung, palaingi a su sitaqedan, nu paceged aken, ki ku su tegai anga, kaciuri anga a vaik a kipavecik ” aya. ka kalemangda ti ngiyaw maleva aravac, sa qivu, “ paqulid angata tu ku kaqaliyan sun, masalu aravac. ”

ka madjaljun a sipavecikan a kadjamadjaman, paceged a kulavaw a medjama, ljakua amin anga nimadju a pacugan a pinivarung, sa drinaudraw anga a sengsengan a patjara qali nimadju a ngiyaw. sa vaik a kipavecik timadju a macidilj. manu madjameq a kulavau. sa a ngiyaw? ayatua rutaqedan timadju, gemalju anga a migacalj, ka djemaljun izua, na maqacuvung anga a kipavecik nua tapuluq tu drusa a qemuziquzip.

pai inianga na sepavecik a ngiyaw, katjalavan a kulavau, tua inika tinegan, kemasitazua, nu pacun a ngiyaw ta kulavau pasa keman tjayamadju. qau, a kulavau amin anga a kisapacay a mavilad. sa kamayan anan a patjetucu.

kemeljang sun tu izua anemanema ta lindavan a caucau? avan a kulavaw, gung, likuljau, kuning/lutjuk, varaljuvalj, qatjuvi, bi, sizi, drail, kuka, vatu, dridri.

很久很久以前，人們說：我們要選十二種動物作爲人的生肖，一年一種動物。天下的動物有多少呀？怎麽個選法呢？這樣吧，訂好一個日子，這一天，動物們來報名，就選先到的十二種動物爲十二生肖。貓和老鼠是鄰居，又是好朋友，牠們都想去報名。貓說：我們得一早起來去報名，可是我愛睡懶覺，怎麽辦呢？老鼠說：別著急，別著急，你儘管睡你的大覺，我一醒來，就去叫你，我們一塊兒去。貓聽了很高興說：你真是我的好朋友，謝謝你了。

到了報名那天早晨，老鼠早就醒來了，可是牠光想自己的事，把好朋友貓的事給忘了。就自己去報名了。結果，老鼠被選上了。貓呢？貓因爲睡懶覺，起床太遲了，等牠趕到時，十二種動物已被選定了。

貓沒有被選上，就生老鼠的氣，怪老鼠沒有叫牠，從此以後，貓見到老鼠就要吃牠，老鼠就只好拼命地逃。現在還是這樣。