105 年全國語文競賽原住民族語朗讀 【馬蘭阿美語】 國小學生組 編號 3 號
Oya lalimaay a tarodo’

Tosaay ko kamay no tamdaw, ona kamay i, awaay ko kafokilan nira a dademak, cecay ko kapal limaay ko tarodo’; ano malacecay kona tarodo’ a dademak i, i:dahiayay ko nidemakan nira. Yo cecay a romi’ad, malaliyang kona lalimaay a tarodo’, o cima ita ko sakakaay? Sanay,tahidangen aca nangra ko ka’ayaway a singsi misinpang a mipili’ to sakakaay nangra a tarodo’.

Miki’ayaw ko salita’ang a somowal, pangangan han kako to salita’ang i, kako to ko sakakaay. Ano palita’ang kita to cima i, cowa o salita’ang ko nipasadakan no mita, halo nga’ayay, idahiyay sa a milekal? mansaka o kako to ko sakakaay o tadamaanay a tarodo’.

Do^do sa ko satoro’ a somowal, cowa kahatira yo? nengnengen iso, ano sakatalacowaaw kita anca mitoro’ to maan i, cowa o satoro’ ko nipasadakan saw? mansaka kako ko sakaka:ay, kako ko saidahi:ay.

Somowal to ko sakiyot, aka to kalaliyaliyang kita, ati matatiritiri’ kita, o cima no mita ko sati’daway, nga mahapinang o cima ko sakakaay ita?

Liyang sa a maketer ko takowatian, sowal sa, ano tadamaanay kako saan ko sowal namo i, mana i tireng ako a mipakowati ko tamdaw? mansa o kako ko kakalimelaen, cowa to ko laliyangen kona demak.

Sarikolay to i, o saliemin to ko caciyaway, ano mimimi:ming ko tatirengan no mako i, ano matatelek ko tamdaw to demak i, cowa ka eca a mipasadak to saliemin a makakawit, a patokel to pihayda no faloco’, sowalen namo  xena, cowa o kako ko kakalimelaen saw?

Maherek to a malaliyaliyang kona lalimaay a tarodo’ i, mahecad ko pisinpang noya singsingsi, papimetmeten nangra kona lalimaay a tarodo’, itiya to a mafana’ kona tarodo’ to tadamaan nangra, tatiih a awa ko cecay, edeng o malapatadotado, nga masacecayay ko ’icel, mapatokelay ko faloco’, saka saheto o kalimlaan kona tarodo’, o kasasiwa:tik aca nangra a dademak.

105 年全國語文競賽原住民族語朗讀 【馬蘭阿美語】 國小學生組 編號 3 號
五指並用

人有雙手,手有五指,五指並用,合作無間。五個指頭爭論誰是老大?請老師們來當裁判,選出誰最重要? 

大拇指說:我叫大拇哥,我就是老大。我們誇讚別人時,都是豎起大拇指,所以我最重要。 

食指說:要指示方向或比什麼,都用食指,所以我才最重要。 

中指說:看誰最長,不就知道誰是老大了嗎? 

無名指說:為什麼結婚戒指要套在無名指上呢?我最重要。 

小拇指說:我們跟別人約定事情時,都用小拇指來打勾勾,以示承諾,是不是我最重要。

大家一番爭論後,裁判們做出一致的決定,要五個手指握拳,這時才明白彼此的依存性,缺一不可,唯有相互合作才能凝聚力量,發揮最大功能,所以五指同等重要,各司其職。

文章資訊
文章年度
105
文章編號
3
文章組別
國小
文章語別
馬蘭阿美語
族語標題
Oya lalimaay a tarodo’
漢語標題
五指並用
文章作者
朱珍靜
漢語摘要
張月瑛