Sapah pyasan saan ta smluhay ana manu. Sapah pyasan duma u way daya dwiyaq, duma u way ssiyaw ucilung mi alang paru brnux, ana inu qulung bay niqan sapah pyasan ka saya.

Sapah pyasan niqan ou balay malu slhayan mi pplahan uri. Niqan ou kluwan qhuni way pnhmaan ruwan sapah pyasan, sow ka qhuni harung, qhuni qulic, qhuni dara mi qhuni raus uri, malu balay qtaan, malu balay sknxan ka buwihur na. Kiya mi kuxul bay yahan matas lqlaqi mi tlangan risaw mi kksaan rdrudan kddiyax ka sapah pyasan.

Sapah pyasan niqan mpqlahang, niqan mptusa, niqan laqi mpatas, niqan ka mpkaraw mi mpchada uqun uri. Way msuupu sapah pyasan kana, ida niqan nanaq kngkingal euda dha. mptusa u niqan ou kluwan sediq, niqan ka Sediq labay, niqan ka Bunun, niqan ka Pmukan mi Maqai mi Tlu uri. Dhiya u ida mdrumuc bay tmsa mi muwalu balay lqlaqi mpatas kana.

Sow saya, ou balay ka sslhayun saan sapah pyasan, sow ka smluhay matas patas, smluhay muyas uyas mi rmri mi rmicuh patas, smluhay wwaya euda sapah pyasan, kika mkla kana elu kari “ Pnsediq mi pnoda ”. Uxay wana sow nii ka slhayun lqlaqi mpatas saya, smluhay kari ta nanaq Sediq mi knkla mi waya rdrudan cbiyaw uri.

Yaku pa malu bay utux mu, niqan ku kingal mdudul bay munan pusu mpqlahang sapah pyasan, dmudul bay munan kddiyax “ Malu bay qbhangan ka hnang kari rdrudan Sediq balay, kbyaxi smluhay, iya bay laxi smluhay ha. Yasa way ruwan ha kana ka knkla rdrudan cbiyaw, kiya mi saya daw ana nanaq sapah pyasan alang daya dwiyaq, ana nanaq sapah pyasan alang paru brnux, qulung pniqan ka saan smluhay kari Sediq balay, kari Bunun mi kari Atayal uri, niqan ka slhayan kari Pmukan mi kari Maqai uri.

Kiya mi yaku saya wa kuxul mu bay ka sapah pyasan mu, spruun mu bay ka pusu mpqlahng mi kana ka mptusa uri. Mqaras ku bay thuy lqlaqi mpatas musa sapah pyasan kddiyax.

學校是我們學習事物的地方。有的座落在山上，有的在海邊或都市。

學校有很多學習的地方和遊戲區，種植很多樹木，如松樹、杉木、楓樹與青剛櫟，非常美麗。學生可以來上課、年輕人來跑步、老年人來散步。

學校有校長、教師、學生、工友，還有廚師，每個人都有自己的任務。教師有多族群，有賽德克族、布農族和漢人。

要學習的東西有很多，譬如讀書寫字、學習唱歌跳舞、畫畫，學習團體規範，才能懂得「做人、做事」的道理，還要學習自己的族語和傳統文化。

我有一位積極推動族語的校長，他說：「祖先的聲音很好聽，要認真學好，因為祖先的智慧深藏在語言裡。」

不論是山上或都會區的學校，都有開賽德克語、布農語、泰雅語班，還有學習閩南語及客家語。我很高興可以去上學。