Tosa folad ko pahanhan no picodadan i lalood. Mamicomod to i ta-syi ano roma a mihecaan, saka awaay ko pahanhan no mako itiya. I ka’ayaw no piilisinan a dadaya, paci^ci saan ci ina ako papihakelong a talaKalingko a mikihatiya to piilisin no niyaro’. Adihayay sa:to ko cacodaden saka, caay ka cifaloco’ kako to sakatayraaw. Nika o no dafakay a kadakawan niyam a paliding. Tahira i loma’ no fayi ako, ’aloman ko malawinaay a malaholoholol. Maherek ko pikihatiya malaholoholol i, kayaten ni ina ko kamay ako a misarakarakat i taliyok no piilisinan. Itiya pasifana’en ni ina kako to rayray no ilisin ato sakakero, samaanen ko kamay a makakayat, samaanen ko piwingawing, maanen a mi’iwa’iw ko tireng, mipalecad a miperok ko wa’ay..., nikaorira awaawa micomod i tangal ako koya nipakafana’an nira. I ka’ayaw no soraratan i, ira ko minanamay to kero a kaying itira. tahira ko rakat niyam i, papikapoten ningra kako a mikihatiya, caay kakahi kako. Itiya maketer ci ina ako, macacoli to kami. “ Enaw paci^ci^ han kako a papinanam to caayay kaolahan ako a demak? ” han ako cingra. “ Caay ko pipaci^ci^ tisowanan konini a demak, o no miso a tatodong konini. o sakakaay a tayal no mita o misa Pangcahay i ’orip koni, marawod to ko mihecaan no miso, mimaan a caay pikapot kiso! ”saan ko sowal nira. “ Cowa ka itini kako a lomahad! ” han ako a pacoli! “ Cima kiso? Naicowaay ko ’orip iso? ” saan a mapowi’ cingra. “ Enaw paci^ci^ han kako? ” Han ako a mipatoor ko sowal i rarikar nira.

2個月的暑期，豐年祭前一晚，媽媽要我和她去參加。作業很多，卻無法拒絕。隔天中午到外婆家。媽媽帶我去祭場，和我講述豐年祭的點滴，教導大會舞蹈，我卻一點也記不住。

會場前有一些少女在練舞。媽媽要我一起跳，我拒絕了。我說：「為什麼要逼我做不喜歡的事？」媽媽說：「這是你的義務。是我們阿美族人最重要的責任。」我說：「我又不在這裡長大。」媽媽說：「你是誰？你從哪裡來？」我望著她生氣離去的背影說：「為什麼要逼我？」

晚上和大家手牽手跳舞，腰和腳從僵硬到柔軟，內心也逐漸愉悅。族人的心團結一致，內心開始明白外婆說的話。我領悟豐年祭是阿美族獨有的文化，生命因此豐富完整。感謝媽媽帶我參加部落豐年祭。