111 年全國語文競賽原住民族語朗讀 【霧臺魯凱語】 國小學生組 編號 3 號
Lrigu ki Ngudradrekay

Salriguane turamuru kay langudradrekay,  ku tayngeane la salrumalanane. mararamaw kikay lrigu si lrumalane, adravane ka sawvalay ka laabaibay twakucingalre turamuru makanaelre. Twalay luka lrulayyana, ku latama lini wabulru ki lalake lini ki sawvalay, ku latina lini labulrubulru ki lalake lini ka laabaibay. kikay lrigu muasaka drusa ka niake lini lu kidremedreme. Lu dreele ku badhabadha ki Ngudradrekay, salrumalane kay lalasu kay laalisu amia, kai ta lri dulru liniane, twakucingalre ki tacekecekelane, kialalra ki marudraudrange, kaiwathaethaele ki cekele, kiasamula ki aungane lini, naw pianga, naw tara pakiragay ki marudrawdrange li, ki sakacekele li taiyane, ka tapikayyane ki kidremedreme ini. 

Ku laabaibay, bekelane ku vaga, mageteme ki aungane tavanane, kisamula kibulru ku aungane ki laabaibay,  ngipapakilibake, lapakilidraw ku latina ini, si laikay ku bariangalay ku bengelray ini, la kikadaadalame ki laumaumase.

Ku sawvalay, kadrua ku siarabane lu kisikawlu ki tarudrawdrange, mapaduadulrathe, pingiabekele ki akaneane, twapapapalra ki cekele lutumatumane, malrualrumale, ai lu pangilisia ku amia, si dradreele ku kakuakuadhanane ini, mulucege kapapedrenge ku takaumaumasane.

Sa taluela ngwalay ki Murake ka valrigi, la tugaku  ikay kavay cekele ka Bariangalay, si sunagane “ LRIGU ” kusiaw iya, la kibulrubulru ki lasinisi lini, ku mathariri ku akalrigilane luka adrawnga, ka amani ku salriguane ka salumalane ka lri mucungulu ku abake, ku kidremedreme ki Ngudradrekay, ka lridulru palakebe ki cekele, pakathariri kay kaumasane ku takaumaumasane.

Kuta makanaelre la takikalumale, ka tapikayyane ki kidremedreme ta ku amia kikay, “ kaykameane kialrigua ku ki druma ngualay ki cekele li, luiya ani kilrigu kay cekele li ngualay nakuane. ”

111 年全國語文競賽原住民族語朗讀 【霧臺魯凱語】 國小學生組 編號 3 號
魯凱族的榮譽感

榮譽感與謙讓心,是魯凱族一生要修齊的人格資產。

男女都必須具備,母親以身作則教養女兒,兒子由父親薰陶,外族人對魯凱族都有這樣的印象;除重視家庭,更關懷部落事務。尤其女生以少語多聽為美德,維護百合花般的堅忍幽雅,博得眾人疼惜,她才是真的百合花。

男人一心掛念部落,深怕得罪日夜徨恐,長者之命言必言重從必達,絲毫不敢違背,自幼少練就剛正不阿的魯凱男子性格。 

雖然山河部落經歷莫拉克災難,卻沒有喪志。在新地百合部落興建國小,特別以「勵古國小」為分校校名,以展現永垂不朽的魯凱風範,傳承魯凱女人的美麗及魯凱男人力氣。

希望大家常常將「今日我以部落為榮,明日部落以我為榮」為座右銘,銘誌在心。

文章資訊
文章年度
111
文章編號
3
文章組別
國小
文章語別
霧臺魯凱語
族語標題
Lrigu ki Ngudradrekay
漢語標題
魯凱族的榮譽感
文章作者
鍾思錦
漢語摘要