payat hi qa qutux cinmuyax myan, maki yutas, yaki, yaba, yaya, ro kingan, qnxan qa muyax myan hiya ga, s’unan ssyaqan ro pinnqas, ana m’ima pktayux kingan ga kmayal maha, isu ga maki qutux kinqoyat na muyax. yutas gas i psyaq kmayal, yaki hiya ga thuway lungan nya, ms’su hayiy yaba mu hiya, yaya ga pisan lpyung mu baq miq lungan, qabax kinblaq qani ga pccwa ps’urux kinqoyat na muyax myan.

siyon mu muyax mu, baha hmcwa, maki niqun ro maki lukus plkusun, mqniyat ru moyay calay mtiyaw yaba mu, yaya mu ga, lokah snpuyut qnxan muyax uyi.

tgaring cmyax kayan qutux qutux ryax lga, wayal mtiyaw yaba ki yaya mu la, nyan ta m’abi cka helaw na, pungan qa hlbaw kinkplan kakay ro ini tgawah na royiq, ktalan mu turu yaba mu mhtux blihun, mngihuy ru sgalu mu calay, pgalu ro pzimux cu aki mblaq mtiyaw qutux qutux ryax yaba mu.

yaya mu ga, mqniyat calay ro puqing pklahang qnxan muyax, musa mtiyaw mqumah qmayah uyi, trang piyux pqmahun ga, cami llaqi nya uyi ga, musa rmax cikay kin’wiy na yaba ki yaya, hupa hayi kawas mu hiya, rmax cu phapuy, mahuq lukus, mlahang swahi, teta ini nkux yaba ki yaya mblaq mtiyaw.

wa! talagay kinblaq pinsbaq cami nya qa yaba ki yaya myan! ana moyay mtiyaw naha ga, ktayux camu baq mqyanux qabax lga, mqas calay qa yaba ki yaya mu la. nanu mica, siga si ta klokah mtiyaw ga musa hopa calay qnabu galun ta la.

ita llaqi ga, siki syan ta inlungan qa yaba ki yaya, mgcquliq calay la, qani ga, pinsbaq na yaba ki yaya krryax. nanu mica, siyon mu muyax mu, siyon mu calay yaba ki yaya mu uyi, baha hmcwa, naha qmnayat ro pinsbaq kingan. nyan cu maki kinblaq na muyax, qani ga mqoyat calay na ywaw.

我們一家有五口之爺爺、奶奶、爸爸、媽媽和我。在我的家裡，充滿着歡聲笑語，看到的都會說我有一個幸福之家，爺爺親切、奶奶和藹、爸爸嚴厲、媽媽是我的知心朋友。這一切都成就着一個美好幸福的家庭。

我喜歡我們家，爸爸每天辛勤工作，媽媽則打理一切家務事。

每日，天色剛亮父親就要出門工作，而我們仍然舒服地躺在溫暖的被窩裡，看著爸爸出門的背影，讓我感到心疼又不捨，我會祈禱爸爸一天工作都平安。

天下所有的父母親為了生育孩子而犧牲付出，用盡了他們的愛與努力。我的媽媽是一個勤奮的家庭主婦，偶爾也需要幫忙田裡的工作，農忙時，家務事就由我們分擔，我會幫忙燒菜、洗衣服、照顧幼小的弟弟妹妹，讓父母能安心的工作。

父母親教育勤奮不倦的好精神並朝目標邁進。孩子要孝敬父母，做一個正當的人。我愛我的家，更愛辛苦教育我們的爸爸、媽媽，我生長在這樣的環境下，是一件非常幸福的事。