111 年全國語文競賽原住民族語朗讀 【大武魯凱語】 國小學生組 編號 1 號
vaga ki udale

kunaku udalaku, lu kelaku kaumasa kaulai, wathingalaku takalra ku lavavalake, ku kyaangeange ki aulru sana ceele nakuwa, ai lukelaku kay tangimiyaiya ki babekaca haubula alrivilrivi, ku tacebea ki ubulu si angatu ahungiaesai kakalra kasalese, ku yaumawma ka pagai kadruwa ka yamulanga ku acilai.

wathingalaku lu udale, kunumi ka lavavalake aisicabalenumi, aisi lenainumi, lu dadavacenumi lu ngudidyusanenumi kadruwanumi ka ai pasuiva, lai ikai ku manganga ku ngwa utubai ku umase ku patilake ku dulrailraki pasaelre ki kinaumasanenumi, lakuni ai tahakakalra ku lavavalake ku amiya ikaimatigaugavanenga ikai udale, anikai idrengedrengehe?

wathingalaku inya lisiyanenumi, kay kidremedremeli mya waangeange, ai kaivai ngwalai ikai tangimiyaiya ki saseveha. lakuni lu davacenumi avaevaehe, kadruwa ka aikisilape numiya, lu kibulrubulrunumi ku ungdu, aikilepengaku ilrilrikudru ki emeeme.

yakai lu tuhanavaku mutaluvaivai lu maka kibulrunganumi, kunumi la kihagainumi si kahaleale, waudaudalenga! waudaudalenga! yakainumi ka walrabuale mwa talrabwabuala myaikai, kadruwa ka mwakuludru ki udale. lu kilalraku ngyakadyadihacanaku, la palalrangaku mucilri mwaki isiyu, lringau, kahingalainumi, la tupapalra numiya mutauwana.

kudra kadruwana ka samugakugaku ka lavavalake ani asauwalai ani ababai miyalri kadalame nakuwa, syalenai ku lenai ki tahudrawdrange, sya kece ku kece ki tahudrawdrange, laiya ikai, ala mathahihi tuhamuhu lu kivaevange madu lu udale.

madalamaku sitalragi sana alavavalake, ai malrasaku lu kudale kadahaevedeve, alaiyasi kacaeme sikai maka mugaku kibulru, matya taulra, eene yakailu ceelenumi talailailadha, la taikalra ku tatulengea, si kainumi maka lrabuwale, itituku, ku macanumi myaki syabadha nakuwa, ai kaikaupupungu, kyalalraku kudra wadavace avaevahe ka vai, ai padalrunga si kela, ukalavalavaa paimaima, lutuma aitaha kidailaku, sakainaku davaceana, anatuma la makaceelelumi nakuwa ku takelanili, wa sinavaku ku makalra ku kudrulru ikai daedae, lai badhaku ku mathahihi likalikathe ku gakunumi.

111 年全國語文競賽原住民族語朗讀 【大武魯凱語】 國小學生組 編號 1 號
雨水的話

我是雨水,我來到人間很久,很多小朋友看到我就很頭痛;但是等我來了,大自然的面貌才會清新,農田的稻子才不會缺水。

雨天小朋友都要穿雨衣、打雨傘,走路或坐公車都不方便,甚至有些機車騎士還會濺得小朋友一身泥水,不免有小朋友會說:「為什麼雨還不停?」

我看得出你們生氣,我很難過,這是氣候的關係。你們遠足時,我不去找你們。你們上體育課時,我只會偷偷在烏雲背後。

有時候我在下課時出現,你們快樂地叫:「下雨了!」有的小朋友會跑到操場上說:「我不怕雨」。我感到驕傲,我落在髮上、臉上、衣服上,再悄悄跟隨你們回家。

未入學的小弟弟、小妹妹同樣喜歡我,他們拿大人的傘,穿大人的雨鞋,走到雨裡說下雨多好玩!

我喜歡跟小朋友玩耍,不喜歡小朋友淋成「落湯雞」。有時候你們望見一片積水,不能奔跑、跳躍,充滿著敵意,聽說旅遊的陽光快回來了,你們等著迎接它吧!也希望你們發現我沖走不少污穢,帶給你們美麗的校園。

文章資訊
文章年度
111
文章編號
1
文章組別
國小
文章語別
大武魯凱語
族語標題
vaga ki udale
漢語標題
雨水的話
文章作者
杜富菊
漢語摘要