108 年全國語文競賽原住民族語朗讀 【南排灣語】 國小學生組 編號 3 號
malalumalj a mekelj a kuning katua tjangurunguru

seman paqeteleng aravac a kuning tua ginaljuan nu djemavadjavac a tjangurunguru, tjaliyaw nu misakemudamudan a kuning a seman paqedeleng sa qivu tua tjangurunguru a mayatucu “ nu mekelj aken tu tadjekuacan, kisun a 3 a tukiyan(zikangan) a djemavadjavac pai ” ayain ni kuning. ljakua inika napakapaqulid tusa kai ni kuning a tjangurunguru, saka uri malalumalj timadju katua kuning, tuki tima angata a uri tjaisangas a djemaljun tua pinnetj tu djaljunen niamadju.

kapatagilj a mekelj tiamadju, kisamulja sa papedjaljaw a mekelj a pasaqayaw a kuning, gamaljugalju a kitjavilivililj a tjangurunguru. djaljaw a paqulid a kuning, pinalamua mavavaik anga aravac tiamadju, kapalikuz ti kuning inianga ka mapacucun ti tjangurunguru, kinemnem timadju “ tjamanguaq a taqed anan aken, kumalji akemuda iniangata kauri makavuta tjanuaken ti tjangurunguru ” aya. pai sa napaparangez ti kuning sa kisili tua qaciljai sa sekataqed.

segaljugalju a tjangurunguru, ljakua iniangata ka malunai timadju, kisamuljamulja sakamayan a mavavuvavui a pasaqayaw, pai kacemalivat timadju tjai kuning, varequrequng anan ti kining, uitu langasengasengas, tu mapurpurpur, tu namaqusaw, tu na mazeli anga ravac timadju, ljakua na kiqadilj sa papuljapuljat tua picul a mavavui a pasaqayaw timadju. pai cuai aravac timadju i djalan, ljakua kavililj anga djemaljun timadju tua pinapapenetjan tu djaljunen.

ka paceged ti kuning, pakirarimurimu turi djemaljun tua pinnetj tu djaljunen, ljakua kaljavaljava anga ti tjangurunguru tjaimadju izua. pai lja kakedriyan, kinemnemu taicu a malalumalj nua tjangurunguru katua kuning tu anema sinika tjamakaya nua tjangurunguru?

ui tu gemalju aravac a tjangurunguru, ljakua inika malunai timadju, sa kisamuljamulja sakamayan a mavavuvavui a pasaqayaw, pai kavililj anga djemaljun anga timadju i tua pinnetjan tu djaljunen niamadju, kapaceged ti kuning sa ki papaulingaw papedjaljaw a mekelj a pasatua pennetj nimadju tu djaljunen, ljakua cuai anga ti tjangurunguru izua kaljvaljava tjaimadju.

ui tu martimaljimalji a tja caquan kata tja picul, Kumalji a segalju itjen ta tja kemudanga, ljakua nu qiqadilj sa pazurung itjen a kisamulja, tjara maqati itjen sakamaya tua kemudanga.

108 年全國語文競賽原住民族語朗讀 【南排灣語】 國小學生組 編號 3 號
龜兔賽跑

兔子瞧不起烏龜走路的速度,常對烏龜說:「我跑一步的距離,你大概要爬三個小時吧!」烏龜很不以為然,牠決定要和兔子比賽,看誰先跑到終點。

比賽開始,兔子努力地往前跑,烏龜在後面慢慢地爬。兔子真的跑得很快,不久就把烏龜甩在後頭,當兔子回頭看不見烏龜時,牠心想:我先睡一覺,這隻烏龜一定趕不上我的速度!兔子就放心地靠在石頭邊呼呼大睡。 

烏龜雖然慢,但一點也不偷懶,牠努力地爬,經過呼呼大睡的兔子,牠很渴很累,卻忍耐往前爬,終於到達終點。兔子一覺醒來,匆匆地趕到終點時,烏龜早已站在終點向兔子打招呼呢!
雖然每一個人的才華與能力都不同,有時我們做事動作比別人慢,但若願意持續努力,我們一定什麼事都會成功。

文章資訊
文章年度
108
文章編號
3
文章組別
國小
文章語別
南排灣語
族語標題
malalumalj a mekelj a kuning katua tjangurunguru
漢語標題
龜兔賽跑
文章作者
蔡愛蓮
漢語摘要