111 年全國語文競賽原住民族語朗讀 【東魯凱語】 國小學生組 編號 4 號
direrere ngodoy ki kaingo

kwani kaikaingo kiya ’angolingaw sa omase idra saele ki ngodoy kai ta’wa ki sabiki, si lramani kai maecebe kai thangeangela kakedremele kai dako’ale, kai mathengete kai mathothoro lra ceelre kai lravavalrake lra alakebere si kawriva, kai makedremele kai dako’ale so lro ’odra’alreso sa eea sa adrem , malralrekete so ’awtrikolo si kai ’olingaw sa kiya ngeang. kai nata rwarodranga singiyalolraiy kadro siya kece kece, odrava lro mobolra kadro mwa ceneceneke mothingilrabe sa ikainga kai kece kadrwaka kai ’ahwa, mathi’alra kakedremele kai dra’alre, lro tomara moceneceneke ka wa ladeade mwala moceneke, si kota ka lravavalrakenga kaiyasa kadrota thingalre kai si kece sisolipa, si kwadra ’atengatenga lro dadadavaceta kai si kece ka twathariri ki kinaomasaneta, si kaiyasanenga kai lra omase takalanga kai lro amiyaleale, mwakece si dadadavace ki wa ringici ki daedae ni kakececeng kai kina omasaneta miya odravakai torwarodranga miya takalanga kai dadadavace ’ondo.

kai kai kaingo singi lolray ki ta’wa neini kivaiyana odrava lro ’otalrivayvai ki galrawgaw kadro maka wasinga swadralo sa sabiki inilinglro kanekane sa aga kai vanalre malralreke te ’awa dengece ki aga kaiviri ’awa dengece idra sabiki miyangkai tara sabikaneini odrava lro a’ece siya lonosa sabiki kai kaikaingo mwatalrivaivai ka direreini ka ngodoy si valrisi asanakai sabali sa sanwa sabiki kadroi makadrimiti.

 

111 年全國語文競賽原住民族語朗讀 【東魯凱語】 國小學生組 編號 4 號
紅嘴巴的kaingo

她給人的第一個印象,就是滿嘴鮮紅,和一雙長滿厚繭的腳板。部落裡的小孩頑皮的說,附在她腳板上的厚繭,可以將一根鐡釘踩彎,而她本人一點兒痛的感覺都沒有。

她從小習慣打赤腳,腳踩到釘子都沒有感覺痛。從前的人也是打赤腳沒有穿拖鞋,去山上時也不怕被刺到或是被石片割到。因為腳太寬又厚,現在有鞋子了,也沒有可以穿的尺寸。所以萬一被刺到時,就是用刀把厚繭割掉。走路不穿鞋對身體是很有益,現在有很多人會打赤腳在粗糙的石路上,就是為了健身,連老人家也是,都是靠走路來運動。

kaingo嚼檳榔的時間,連她自己都算不清楚,她睡覺的枕頭都是用檳榔做枕心。kaingo露出一嘴紅色的牙齒說:「聞不到檳榔味會睡不著覺呢!」

文章資訊
文章年度
111
文章編號
4
文章組別
國小
文章語別
東魯凱語
族語標題
direrere ngodoy ki kaingo
漢語標題
紅嘴巴的kaingo
文章作者
林得次
漢語摘要