Comod sa kako tora picodadan no niyam, ira ko takara:way a ya-si^ a kilang malisida’ i karomakatan, matiya o tata’akay a sapihpih kora papah nira, feriw han no fali^ i, mananowang. Nengneng han ko pahanaan i, ira ko kahengangay, ira ko kaliyalaway, ira ko maloloay, safangcal sa a nengnengen. Ira ko ’odal ato ’adipangpang a maefer i fafaed nora hanahanaan. I terong no piondoan, ira ko dadahalay salangdaw sanay a semot, ira ko ’ayam mikifawo^, makako^ko^. Ora takara:way, limaay tongroh a loma’ i, o picodadan no niyam, o pinanaman niyam to romi’ami’ad.

Yo pipahanhanan a romi’ad i, maratar caay ho^ ka sadak ko cidal, to’eman ho^, ira to ko mato’asay a ina^ ato mama^ a miondo^ i kakamakatan. Ira ko miyatayatay to tireng, ira ko mipa-kon-taway. Itira cisemotay i, salipahak sa ko ina^ ato ama: a masakero^, mido^do^ to om-po^ no radiw. Ira ko lalecad sanay ko fodoy a makero^, miyatayat to tatirengan.

Yo mangata^ to kalafian, caay to ka ’eceng ko cidal, ira to ko mafekacay, ira ko mimaliay; ira ko akong ato sona, na’o:n sa a romakat i kakamakatan. Ira haca ko idang ako, malahakelong a talapicodadan a misalama^, minengneng to codad i sa’adifan no riwang.

Tangasa^ sato to dadaya^, ’aloman ’alo:man ko tayraay a miondo^. ’araw han i, saheto o matayalay a ina^ ato mama^, mafelec nani katayalan i, tayra a mihoka’ to faloco’, misorar to roray. Ya i fiyaway no picodadan a tamdaw, mararid a tayra a masa’opo^, matatawataw a masasowalsowal.

O pipalatamdawan no singsi^ to minanamay ko picodadan, o pinanaman no micodaday. I pipahanhanan sari, matiraay to ko nika’aloman no tamdaw a tayra, nika o mato’asay to ko tayraay. Ano awaa:wa^ ko harengheng no piasip no wawa^ to codad i, o tawa^ ato radiw ko iraay. O kaolahan no mato’asay a miondo^ ato malalicay itira. O pisoraran no ina^ ato mama^ to faloco’ ato roray itira. Maolah kako to picodadan no mako, nani tiniay kako a romahad, saka o cecace:cay no kilakilang semosemot i, ini i fongoh ako a maemin a matilid.

走進學校，道路兩旁大王椰子的樹葉好像扇子，隨風搖曳。花圃裡的花朵相互爭奇鬥豔，蝴蝶、蜜蜂則穿梭其中。小鳥在操場草地上覓食、追逐。還有三幢五層樓的教室，這是我的校園。

假日的校園，清晨天色還有些昏暗，跑道上已有爺爺奶奶們打著陰陽太極，舞著木劍拳法；草地上的婆婆媽媽們則隨著節奏跳著土風舞；另外還有一群人跳著健康操。

到了傍晚，陽光不再刺眼，有人在跑步、打羽毛球，也有爺爺帶着小孫子散步，還有同學相約到學校玩耍，在教室騎樓下看書。

到了晚上，運動的人愈來愈多，他們都是工作了一天，抽空鍛煉身體的爸爸媽媽們。以及住在附近的鄰居好友，每天聚在一起聊天的好去處。

校園是老師傳道、授業、解惑之地，也是我學習的天地。假日的校園一樣充滿活力，小學生換成了老同學，雖沒了讀書與嘻笑聲，卻多了歡樂聲。它也是爺爺奶奶們運動、聚會、聊天的地方；更是爸爸媽媽忙碌了一天，全身放鬆，暫時放空的好地方。我愛我的校園，裡面的一切都是回憶。