Cami ccquliq Tayal qa qalang Skikun sa llyung Mnibu, eta ryax coni ga si cami glux klahang gaga bnkesan na ppqalup cqani. Khmay calay tyaba kawas cyan minqutux na mlahuy mcisal ro glux mnbux ocya. nya qasux mkkayal yaw na hkngyan ppqalup naha, nanak qa mssi lungan smgsux klhangan qa gaga na qalup, pungan mu maki qutux glux tngsa pquyu yaw na qalup ani, lanay cimu qasux kmayal

Wayal miman kawas, maki qutc bnheci qa Masing．Yobaw lalu nya, nanak.

Cimu ro putung innaray nya krryax, musa qmalup ro smi rusa skran b’nux Knoran sa iyik b’bu rgyax Tayherang krryax, gbyan ga spiyun nya bnheci shriqan qlupan nya qyunam kya ro pnanga qnsux, nbux qwaw, ro qasux miq ppspi qnasux qani, calay pisan pktayux na spi, wayal magal qnasux calay. S’yaba pnqas ga wayal magal saying Para ro qutux cimang biyak qnhyun, ulung su mrkya maki qpying hiya ro skran nya token qnasux, pngan nya qnasux mwah muyax. nya mqas calay lungan nya, mnglung mha bes mu, llaqi mu ro cinmuyax mu, maki nniqan naha qnasux mmwah tmwang skilux hi naha la, cka ryaniq s’uwah nya muyax mnos qalang Lmwan, ryax nasa qalang Lmwan ga squn qalang myan, mica ccquliq bih qalang Lmwan ga pisan gglux na Masing．Yobaw nanak, nanu mica uka calay lungan nya mha, henas qalng qasa ro mwah ryaniq binah.

eta qalang Lmwan ktalan nya mawan nya. ro musa hngaw muyax nya kya, mhuway lungan nya ro s’agal nya saying para qsuxun nya gglux qalang Lmwan.  Mawan ro isah nya spbuxun nya qwaw nalay naha, mcisan ro luhing sqwas qwas na lmuhux, calay aki nya sbilun p’aray muyax nya nanak qa cimang biyak qnhyun qani, msinuk hiya, mingiy nya pira ryax mnna hiya p’aray qnasux, wayal nya si biqiy mwawan nya la, msinuk na s’uwah nya muyax, ‘lhax hayi hiya knkux mha wayal si biq gglux qabax pnanga nya qnasux la. lungun nya qutux ywaw qani, pnbaq lungan nya uka mbhkux qa pntyawan nya, tqqwaw ciyal ru mnuqu pntyawan, nanak smi knhuway lungan nya, kngyun nya cinmuyax nya nanak, cyan cayux hayi lungan nya

wayal baqun qalang naha qutux yaw qani la. maki calay pnnaray cinpngan ywaw nya. mha nanu na lungan su ro ptiyaw su smyuk psna muyax su nana qani san mha piyang na yaw.

約50年前，有一位名叫Masing．Yobaw的長者，在太平山下嘉蘭地區狩獵，某天晚上夢到已死的老人從山上背肉回來喝酒，並送肉給他。隔日，真的如夢占所示。他獵到兩隻小山羌和一隻小山豬，他揹起獵物，走回部落。回家的過程會經過茂安部落，居民都是他的親戚。

在茂安部落遇見連襟，他將兩隻山羌給親戚。他的連襟和小姨子用小米釀熱情招待他，而原本要帶回家的小山豬在醉酒之下，也給了連襟，但是送出去的禮物不可能再要回。帶著醉意回到家裡時，才驚覺所有的獵物都送給親人了，覺得自己忘了顧及家人，很丟臉。

部落族人對Masing．Yobaw有褒有貶。若你是獵人，你會如何回應家人的需要？