111 年全國語文競賽原住民族語朗讀 【馬蘭阿美語】 國中學生組 編號 1 號
Ya piliwko no mitiliday a demak

Manengneng ko kaemangay masacefacefang makerih malingad tayra i roma a niyaro’ a misalama i, ma’inal aca masapa aca ila ko ma:mang a kesem i faloco’. Maharateng i ti:yaho, mitiliday ho kako i kocong sakatolo ko kongkoan no mako, saikoray to pitilid ako i kocong itiya, ma:lalokay si’icelay kako a mitilid, ano miseking i, idahiay kako matamaay to ako ko pahofi no singsi, saka maolahay kako to singsi niyam, tadadimokos ko singsi niyam i takowanan.

Paka’ayaw no laheci a mitilid i kocong, mamiliwko kami mapolong tayra i Taypak misalama, tadakaolahan no mitiliday ko niya demak “ Aciyah! Ka’inalan kamo saw, haco:wa tayra miliwko misalama ko mako hani? ” sa ko wina pasowal, “ Nga’ayay mikihatiya kako miliwko ha ina? tatayra ma’emin ko singsi ato cefang niyam yo! ” han ako milicay ko wina, kaorira, halafin sa ko pitala ako awa ko cako niina.

Haharateng sa ko faloco’ ako toniya sapisalamaaw a demak, cecay to a lipay i awa ho ko sowal no wina, lawod sa to ko saikoray a pipanganganan a romi’ad, “ manikaw ko luma’ samaamaanen i awa ko sapa’aca to sapiliwkoaw iso. ” sa to ko pacaof no wina, “ Cecayay kako ko caka pikihatiya miliwko misalama ina, saheto tayraay maeming ko cefang ako, mana pakacecay han kako. ” rekal han ko wina a milaliw a pata’angay to tangic.

Ano maketeketer tatiitiih ko faloco’ i, caka piroroh kako to wina ato wama, mafana’ay kako to roray no maliteng, saka caka pihai i takowanan i ilaay ko karawrawan no mira saan ko faloco’, ’em’em han ko tatiih no faloco’ a tayra kongkoan a mitilid.

Anini ta’angay to kako, maharateng ko itiyaay a piliwko no mitiliday a demak, tahalosa’ ko faloco’ a mararom to kanikaw no luma’, ai:yay ko itiyaay a ’orip.

U ’icel no wina ato wama ko sakaila mapatireng ko luma’, sakalatamdaw no niyam a malikaka tatolo, tadalimela ko wina wama tamiyanan, limela midiput kami to malitengay niyam tahada’oc.

111 年全國語文競賽原住民族語朗讀 【馬蘭阿美語】 國中學生組 編號 1 號
難圓的夢

每當遇到學生們要去旅行時,我總是既羨慕又帶點淡淡的憂傷。

回想當時就讀國中三年級,在學校我總是很認真用功讀書,成績總是名列前茅獲得師長的愛護。

國三畢業前,學校要畢業旅行,我央求母親讓我參加旅行,但是始終得不到母親的應允,直到報名截止母親告訴我,我無法去,我傷心欲絕哭喊著飛奔離去。 

雖然,我最終還是沒跟師長同學們去畢業旅行,但,我始終沒有責怪我的父母,因為我知道他們當時多麼的生活不易。

父母含辛茹苦養育我們建立家業,他們用行動展現他們對子女的疼愛,我們一樣疼惜照顧我們的父母。

文章資訊
文章年度
111
文章編號
1
文章組別
國中
文章語別
馬蘭阿美語
族語標題
Ya piliwko no mitiliday a demak
漢語標題
難圓的夢
文章作者
張家穎
漢語摘要