110 年全國語文競賽原住民族語朗讀 【霧臺魯凱語】 國中學生組 編號 1 號
Tatukucingalre kibulru kay vagata

kay sakaurivarivane kay vaga, amani ku sapadaudaudarurane, sapelaelaelane ku kidremedreme madu, kay vaga laka maru taludrunga ka sarakaykayyane apadaudaruru, inilringa kikay kavaganeta, kay pasualalangata arakay kauriva, amani ku patengatenganelringa kakadalameta kisudalruta ku lingau, la matitaulra turumuru, maulraulraunga kay vagata, aruatabekele ku wathingale ku yacengecenge arakay karariau. la kataingeane mwacilricilri maulraulrau kay vagata, kay vagata papia ki cekele makucingalre turamuru.

ku asualalanga kikay sakuakavagata, taingeane ka sapatuthingalane ki cekele, taingeane ka lingaw ki cekele, alaiyasi kakadrua ku lingausu ki naucekelane, ku takamanemananesu ikawlrausu ikay ki kadaengane.

mwasakadrusa luka tengatenganesu ka ngiatataulra ku takasumanemananesu, ka mavalringivingi ki cekele, tuakucingalre ki cekele, lu kaisu thingale arakay ku vagasu, kai sukapatengane, ku kidremedreme, laytarapaswalasu thingale ku tengatengane, ku sakua kavagasu.

mwasakatulra kay paswalalangata, kay kavagane taingeane ka laububulu ki cekele, ka niake ki cekele, ka balace ki cekele.

maelanenga kikay kualrialrialri marasikay kay vagata, la kisamula papanianiake kikay sakuaka vaganeta, la thingaleta tukucingalre, ai, makuciacingalrenga kutakidremedremanesu, la tupapalrasu kidremedreme tukucingalre si kagalremegeme lringimiya, alaiyasi thingalaku arakay kay vagata ka Ngudradrekai, karariau, amani ku madradraunga ku pakalreva, la ku numikalalata, tamasiasilange ki samula ki bulru kay vagata, luka bibilrili latathingale kay vagata, la nisiwlriwlri kay vagata, anikai kawlrau, anikai karetege.

110 年全國語文競賽原住民族語朗讀 【霧臺魯凱語】 國中學生組 編號 1 號
學習母語的重要性

母語是個體誕生在這世上,第一個所接觸的語言,母語也是最好表達親情與民族感情的工具,但是非常的遺憾,現在有很多人已經不會使用自己的語言說話了,原因是我們忽視了學習母語的重要性,造成現在母語流失非常嚴重。

第一:語言是代表一個民族的聲音,如果一個民族,沒有自己的語言,這個民族遲早將會消失在這個地球上。

第二:要熱愛自己的民族,要肯定自己的民族,要產生對自己民族的感情,首先要會說自己的母語。

第三:母語是一個民族的重要資產,是民族的生命、文化的根,母語消失了,民族也會跟著消失,所以我們要重視母語,好好的學習母語。

我們非常敬佩且感謝推展母語的所有人士,由於他們極力推展本土文化,實施母語教學,如今已漸漸的開花結果,也贏得了各族群的讚賞,但是最重要的,如果本身都沒有心學習母語,政府再怎麼努力推動,也不會有太多的效能,學習母語必須從自己開始。

 

文章資訊
文章年度
110
文章編號
1
文章組別
國中
文章語別
霧臺魯凱語
族語標題
Tatukucingalre kibulru kay vagata
漢語標題
學習母語的重要性
文章作者
杜傳
漢語摘要