110 年全國語文競賽原住民族語朗讀 【霧臺魯凱語】 國小學生組 編號 4 號
Senai ki Ngudradrekai

kay senaita ka Ngudradrekay, taingeane ka makucingalre ka laububulu, sarakaykay yaneta kalaelange. lu kiraragadhane, lu kwalriane, lusenadhane ngualuadhane madu.

talrilrigili senay kay Ngudradrekay, anikatarudraudrange anikalavavalake wasenay makanaelre, lukiraragay lukalaelaelange tara wasenai Kay senay ki Ngudradrekay, taingeane ka sarakaikaiyane madu, kivavange kalaelange luikaiyane ki Ngudradrekay, tara kiacawcakuane madu tara kiabulru madu, lu kalrigilanenga senay, wadulru madu arakay ku senay. pelaela ku kidremedreme madu, senay ku sakiaragay madu.

kay Ngudradrekay wasenay ikay ki druanga, lukaungu, lukivavavange, lukirararagay, lukualrialri. lutulrisilrisi, lu maupapapalange, lu lrikikaruburu tara wasenay, lu senay lapaelraelrange ki lregelrege, wasenay ku tangilribatane, laka taikalrane turamuru kay senay ki Ngudradrekay lu singikaiyane ku tasenasenadhane 

laikay ku puatariri, rarubuane, samupapapalangane , sakauaungane, palailai, satubitubiane, laikai ku senai ki lavavalake, lamakaelaela ku tasenasenadhane ku saiyaiya lu senadhane, arakay madu ku kidremedreme madu, la tusenay madu tusaiyaiya lasenai madu.

kay senay ki Ngudradrekay twalainga ku nadruma, ka tusenay ki cucungulaneta, arakay ku lrigilane lini, la paucungulu mitane pakelanga kay palrealrebane ka mathariri turamru, kay senayta ka Ngudradrekay, lu thingalane senay, laka taingeane ka sathingalane madu ku kakuthane ki Ngudradrekai, kay asasane ku atukucingalraneta, amani ku apaucungulaneta thingale ku tasenadhane, laykai kawlraw laykai karetege kay mathariri turamuru kay senaita ka Ngudradrekai.

110 年全國語文競賽原住民族語朗讀 【霧臺魯凱語】 國小學生組 編號 4 號
魯凱族的歌謠

魯凱族的歌謠是文化的重要資產,在生活中扮演重要的角色,不論是喜樂、悲傷,魯凱族隨時隨地都在唱歌,唱歌是表達心中喜怒哀樂的媒介。

魯凱族的老少都喜歡唱歌,歌謠的教唱沒有一定的時段,也沒有一定的形式。魯凱族的歌謠是生活中不可或缺的基本知識,每一個人都要學會唱歌,把生活中的點點滴滴,融入日常生中的每一個片段。

魯凱族演唱的名稱大致分為:歡呼歌、聚會歌、情歌、工作歌、報功歌、哀歌和兒童歌謠等。魯凱族的歌曲種類很多,但歌詞千變萬化,每一個曲調都可以按照自己的心意和感情譜成歌曲。

魯凱族的祖先創造了我們獨特的歌謠文化,如何藉著歌謠了解其原來的文化意義,使之能夠在現代化的社會舞台上,繼續扮演其重要的角色,這是我們日後努力的方向。

 

 

文章資訊
文章年度
110
文章編號
4
文章組別
國小
文章語別
霧臺魯凱語
族語標題
Senai ki Ngudradrekai
漢語標題
魯凱族的歌謠
文章作者
柯菊華
漢語摘要