108 年全國語文競賽原住民族語朗讀 【邵語】 高中學生組 編號 2 號
Thau antu shmirua Filhaw a BOT malhkakaktha

qalhatuali a kalangkan piaruruun isa Zintun a wazaqan a Filhaw, amakalawa kilhnaqualh a taun BOT a palhkakrikriw, fuilh iamin a ininthawan amiakuza sa fuilh a patashan, isai Nan-tau Qabizay, asmaas miakazash a malhkakaktha, kanuniza pruq a zing-huu masa BOT a thau shwazuwazu, ya antu tmara riwayan sa Thau inkahiwan kazakazash a pruq, numa Thau inkahiwan kunthathuinian antu mashashduu, ya Thau izai haya wa piakazash a malhkakaktha, uqtha piakazash shuntaam iatunaw antu mashashduu, mashtay thau piakazash mapa’ushaiza maqa Thau mathuaw minbuqnur, Filhaw BOT a palhkakrikriw mintamar kmalawa, az’az shangqa isai ingkahiwan kazakazash a pruq patash numanuma, mamzai yuan-zi-faa.

kunthathuinian itia manasha mapukaw a ia’ianan, manasha tataal a kalawan, munsai sa Thau isa fa-liing, uka iakundur a kashwit iatusuqin, munsai manasha pruq a zing-huu, pasain sa miniahala inai a thau tu tanatuqash singkaan a pruq, isa fa-liing mapukaw a ia’ianan munaur kinalawan, maqa miniahala inai a thau a numanuma makshnaw, fa-liing antu pinqitan, munsai inara wa BOT a thau numa Nan-tau zing-huu, thaithay a shnaw antu maqitan, sharaqian Thau mathuaw matunaw a kushwit piakazash, antu mashashdu numa patatara, mingqarayza Thau uka kushwit shangqa Shpuut qalawan masa riwayan, numawan Thau mathuaw mabuqnur.

108 年全國語文競賽原住民族語朗讀 【邵語】 高中學生組 編號 2 號
環評會議

南投魚池鄉進行環境影響說明會,邵族人反對侵犯邵族傳統領域的行為,邵族人在這場說明會上,表達強烈意見,以集體離席的方式抗議。目前卡在傳統領域劃設辦法,以及原基法等相關法規,至今仍有許多模糊空間與類似案件發生。

在法律上,沒有強而有力的約束力,因為原住民族各項權益的法規,立法不完備,族人們雖極力反對與抗議,終究無法與之抗衡,所以邵族人很憤怒。

文章資訊
文章年度
108
文章編號
2
文章組別
高中
文章語別
邵語
族語標題
Thau antu shmirua Filhaw a BOT malhkakaktha
漢語標題
環評會議
文章作者
丹俊傑
漢語摘要