oomikinginame taoaoae ’oliliyo vila’ani dha’anenai, lo mokelani taivalrivalriyae, madhao ocao taiki ’ina.
dhakehakehalae ’ano-sakale la’i dhoadhaace. ma’oomomao lo cengele-mai-line maca-lini, ’apioa-nai takapalra dha’ananae-nai.
ona aovalriyo-nga-li, ama-li ’a maka-to’ake’akeenengiyae kapoco-li la ’ancinmao-li, mani aviliname moa taoaoae ’oliliyo, mani pato’oto’-iyae la taka-li ’aolai ’ano-sakale, tohamoho-nai ka mahavehavehe taka-li ’aolai la ilrae. omiki-na-nai kasii’i valrevalre’ae talicovongae-ni dha’ane-nai ’ica’oca’o, ila mani ota’amao-nai ana ta’osangeedha’anga tapaiyaiyae sakale, ona alrihoonga-nai, mani oanganai-line ’iniyaelre takapalra ’inalo ta’ano-sakale. lo mataadhi’ini tevelengae, kina o’adhailie-nai ’ano-sakale, omiki talicovongae ama-li, iki vecahae taka-li ’aolai, ilrae la ina-li loolodho-nai-line iki alrikodhae-lini.
omiki dhona takaeaea menanae, ama-li, ina-li, taka-li ’aolai la ilrae, mani ’anosakalenai moa ’oliliyo. talrivatae-nai valrevalre’ae, makini-pangepangae ’aelrenge, tako siyalalalra-nai taomale aalrame, tohamoho ka mataadhi’i dhona vekenelre, omi’a-nai taiki dhona azegae ’oliliyo.
omiki lo takiyadhadhalra-nai, kidholro-nga-nai ka ’anosakale, lrongai-nai toka-dhodhohae, malromecehe-nai la kavahe’enai, masalaveteke. sina okelangai taivalrivalriyae, odhaace-nai ’anosakale moa dhoadhaace dha’ananaenai, tako cengecengele takataadhi’i vekenelre, ’amaamaeli miyamao dhonamenanae.
ona aokelanga-nai dha’ane, mani ’itovolriyae inali amokoa-ni-miya’e ’iidheme’o taoae’o dhoadhaace ’anosakale, omiya-li-miya’e, oha’eve la ’api-ooangiyae cengecengele ’anosakale. lo makoli’ahengai, amo kina o’adhailae-nai ’anosakale, amali ’a omiki talicovongae, takali ’aolai ’a iki vecahae, ilrae la inali iki-nai alrikodhae. sina okelangai taivalrivalriyae, odhaacenai ’anosakale moa dhoadhaace dha’ananae-nai, tako-cengecengele takataadhi’i vekenelre ’amaamae-li miyamao dhona menanae.
我家附近有個河濱公園,假日很多人騎單車或散步。看他們笑容滿面,我們一家人也好想加入。
放學後,爸爸準備了手套和安全帽,帶我和哥哥去公園,教我們騎單車。我們先在家門前的小路練習,學會了就騎上單車道,一起加入騎車的行列。
路上,百花齊放,景色美麗。有時上坡,騎不動,只好推着走。有時下坡,坡很陡,我心驚膽戰。有時,大車迎面開來,捲起滿天灰塵,害我變成了小花貓。爸爸媽媽哈哈大笑。
只要一到假期,我們一家人就會騎單車欣賞風景,享受快樂的時光。天氣好時,會騎到更遠的地方,爸爸在前,中間是哥哥,後面是我和媽媽。