111 年全國語文競賽原住民族語朗讀 【宜蘭澤敖利泰雅語】 國中學生組 編號 2 號
mlu ritensya

maki lela beh alang rgyax ga kyan ritensya na la’iy ga ini piyux, siga miyuk m’was pwasan hopa la’iy lga, yaba yaya hani ba’ mnglung ma aki naha bisun ritensya la’iy hani la, baha mcwa halan m’was biru pwasan hopa la’iy ga theya hayi, yaba yaya uyi ga mosa mtiyaw rgyax than pila, iyat kba mosa magan malax m’was biru la’iy naha, mosa la’iy naha nanak khani mwah sali la, baha mcwa ungat basu lgan uyi, nanu yaba yaya hani ga ba’ mbayi ritensya bey naha la’iy lgan nya mosa m’was biru ru mwah sali.

ari cami cipuy lga yaba ru yaya myan wan calax la, baha mcwa yaba mu mnglung lhangan cami nya tugan la’iy hani, wayan mtiyaw mlu xune ini aki beh myan, nanu tugan mtswe myan sgagay cami ini cami s’un, suyan mu mlikuy ga p’was biru pwasan hopa la’iy la, siga kyan c’oli psba hiya kngun mlu ya’eh na c’oli lga mosa ya’eh babaw nya la, nanu mama mu Yawi ga si nya rasi mlahang suyan mu mlikuy, mama mu Yawi ga Bokusi mlahang kyokay tyawun nya, psong mosa mlahang kyokay inu lga nanu maki kya la, suyan mu uyi lga si glu utux sali mama mu maki ’byan ki’an Bokusi beh kyokay kya, cami sswe mu knerin iya ga nyu cami m’was biru pwasan la’iy beh alang myan nanak, nanu si cami s’un mlu mosa m’was biru ru malax m’was biru.

mhngi ryax lga suyan mu mlikuy mlu ritensya mwah sali, m’es caku ci ms’un cami tugan mtswe myan, ms’un cami suyan mu mlikuy ga, showay ci lungan mu ru kyan stman lungan mu uyi, baha mcwa arin cami cipuy nya ga suyan mu mlikuy ba’ ci mlahang cami, ini cami nya tlihi c’oli.

mhngi ryax ga mlu ritensya mwah sali suyan mu mlikuy, plgan pngan cami nya ritesya nya su’un miray utux alang myan, masu myan miray alang lga rasun cami nya beh pwasan biru tanux halang miyi alang myan kya, psba’an cami nya san kenu mlu ritensya, ana caku mngungu ci tkba ritensya ga, suyan mu nyu psba cami, nanu lokah caku ci tkba loyi, memaw caku toruy tkba ritensya ru yinga caku ci tuli loyi, ana nyu memaw magan ilisi, skahun caku me’ lokah ke suyan lga, thoyay caku tkba kba mlu ritensya la.

mhngi ryax lga suyan mu mlikuy mwah sali ga, swalun caku nya mlu ritensya nya miray beh tanux sali myan, babaw nya lga mnaga caku kryax mhngi na ryax hani la, swalun caku nya ana mlu ritensya nya suyan mu hani, baha mcwa mlu ritensya na ywa hani lga wayan mu sli calay la.

111 年全國語文競賽原住民族語朗讀 【宜蘭澤敖利泰雅語】 國中學生組 編號 2 號
騎單車

過去,有單車的小孩很少,除非小孩要步入升國中,父母才會考慮幫小孩買單車,因為讀書的地方離家有段路程,父母都會去山上工作或賺錢,沒有時間接小孩放學,因為沒有公車可搭乘,父母會買單車給小孩上下學。

從小父母就離異,爸爸要養三個小孩,外出跑船不在身邊,三兄妹就分開給不同人養,哥哥升國中,Yawi叔叔怕哥哥學壞,把哥哥帶在身邊照顧,叔叔是牧者,因此,哥哥就跟著叔叔住進牧師宿舍住,而我和小妹則是在部落的國小讀書。

假日,哥哥會騎單車回家,三兄妹在一起時,是我最快樂的時光,我感覺很安全有依靠,因為哥哥從小會保護我們,不讓別人欺負。哥哥會載著我和小妹繞整個部落、學校操場,會教我們騎單車,我很認真的學習,雖然受傷,終於學會。

哥哥會讓我在自家戶外騎,我很期待假日的到來,可以騎著哥哥的單車,因為騎單車變成我最喜歡的活動。

文章資訊
文章年度
111
文章編號
2
文章組別
國中
文章語別
宜蘭澤敖利泰雅語
族語標題
mlu ritensya
漢語標題
騎單車
文章作者
朱愛美
漢語摘要