tasicuayan izua za vuluvulung na ta Kunian, ayatua meramaljeng timadju sa padjulu tua kitjaula, ljakua azua malje tapuluq sa madrusa a mareka uqaljaqaljai a aljak, mamacaquan aravac, kemuda ken a peniliq tua uri sevalit tjanua ken? aya, djauljen a mareka aljak a pasapaqayaqayav tjaimadju sa qaqivui “ timun a mareka ku aljak, ku qaluqalutai mun a tjara itaita ta mamamav a tjaljayan, nu cemalivat ta tjelu a qiljas, pangtjezan anga papacun tjanuaken a nu sinitalem, tuazua qadav i mapenetj tu timanga sevalit tjanuaken. ” aya qivu tua mareka aljak.

saka, maleva ravac tiamadju a tjumaq sa ipaqulid a temalem. cemalivat a tjelu a qiljas, sipangtjez a sema tjaiqayav ta kama, a papacun tua sinitalem a hana, manu ta pacun a kama azua siniqalut a tjaljayan, awazua venangalj tua maretimaljimalji a hana? sepeljuq a iyumaqan tuazua mapakaizuazua a hana, izua palikun, izua nguljingulj izua maretimaljimalji anan a quljav uta, maljian ta babulayan a ravac! tucu amin azua kama kemeljang a pivarung.

aicu a mareka aljak namasalu ta picul niamadju, tjara tiaken a piliqen ni kama ayaya kinemenem. manu, amin azua ti sipuljaljakan a banabanal a pizuan, neka nunema. kivadaqan na kama “ ainu a su sinitalem? ”

na masisaluan a temevela a namaya tua mareka kaka “ kama, cemalivat a tjelu a qiljas a ku kiningkiuan, manu pacun aken ta su sinipavai a tjaljayan namakesa, anema sicuvuq a nema pulaketj! ” aya.

ta lemangda kama, djemeli a pasiqaca sa qivu a maitucu “ ui! ui! penakaleva aravac! ui angata tu tisun a sevalit tjanuaken. ”

awa ti sipuljaljakan a piniliq na kama? aicu a milimilingan pasemalav tjanuitjen, nu sicuayan panema ta tisun a uri parangezan na su sinsi, na su tauki, na su qali(drava), tua napazangal a sengsengan, aza sika tisun a parangezan, panema ta izua su sikudakudan a namaya tjai sipuljaljakan, a napenarangez a napenaruarut a su sikudan. izua kai a maitucu “ a napenarangez a nasemalu a caucau, tja manguaq tuazua napupaisu tu liav a caucau. ” sa titjen ulja napenaruarut a tja sikudakudan, nakuya venca ta timaimanga uta.

從前有位國王預備退位，但十二個兒子都很優秀，如何在王子中選出一位繼承人呢？於是，他向兒子們宣布給每人一顆同樣的種子，三個月後將盆栽帶來，就能決定誰繼承王位。

王子們回去認真種花，三個月後，他們把栽種的成果帶到國王面前，同樣的種子，怎麼會種出不同的花呢？菊花、蘭花、玫瑰！這時，只有國王心裡有數。

每個王子都對自己的成果非常有信心，只有小王子，獻上一盆光禿禿的盆栽。國王問:「你種的植物呢？」

小王子說：「經過我三個月的研究，發現您給的是一顆熟的種子，不可能種出任何植物！」

國王說：「好！你就是王位真正的繼承人。」

為何國王這樣選擇？因為或許將來你會是師長或主管、朋友被交付重任的那一位，而能使你被看中的特質與品格是像小王子具有誠實和自信，有句名言:「一個人能夠被信任，比擁有鉅萬財富更為富有。」希望我們也能如此活出自信與誠實的好品格。