kai asasaa kutaka ka yakai Taiwang ka Kacalrisilrisia tai mangealaneta si eneme ka zuku, makaelaele ku vagata, kakuakudhaneta, laikai ku makaelaele ku maulaita lrikisita, ai taikalra ku zuku ku yakai ku pathahukai ki kyalriau niya ka maulai, kutaka Ngudradrekai miyalri ikai.

ku nadruma, yakai la avaivai, twahanau kaicelrenge ku emeeme subelebelenge si kadradrimiti, la kainganai udale tukisumaimali, la hautahuadrau tahuadrau kai idrengedrengehe lu makapiyale ka vai, ku acilai la lrapesainga ki ladrakehale, behainga twalai ki ininiinunga, sacele ku laumase si laudriudripi, mathathibuhu mukuludru si maubebehe papiya ki takaabelenga ka lalregelrege, ai ku udale kadruwa ku taidrengeha, lanenehenga ki ladane, waludrunga ki cacekele, lrenepenga ki talelebe ka lregelrege, ku wadulru kwapa kela lrugulruga ki lregelrege si panianiake lu tapyapiya.

wa! alani ka waceka, ku mwaesai si panianiake ka umase si udryudripi lamadrikidrikisi ikai lrugulruga si manugehegehe ki kecelra, muhikai ku apui ku akaculua, lacele balrealreana, ikai ku twaebebebelre, lakahaleale ki sakiahagai, kadruwa ka tahathainu ku takihagadha akabalrithi angelrece ku punulini, asiluiya kyadremedreme aneanaini ku aimakadulru talubalre ikai lriau mubalrealreana muhiapui?

sa makitukasamadre makanaelre, avavaga ku tagaga nau uwana palalavamiya, sa syulryulringaicengecenge kadruwa ka wadalriminga ki culua idra nihangala ka apui, a! saiya sakacilri. lata sikaulu ki akece, lamaiyaiya, ai kau akece taliyatiki ku kinaumasa lakaimakadulru siamece idra madrau ka launguini, miyalri takasaulri.

samiya idra kasalivalrau makanaelre, kau salaunga nau kisikaulu amani, ai, aipakisalru nakua iniya launguini kau akece laiya, lamapalrailraingi. sa aithagili dwavace kau salaunga, masiasilange pasapukua pakakecenge ki salaunga makanaelre, ku tadavaca muhi apui ki salaunga, ngyalribate ngyalribate ku zikange, lakai ngibwabuale, kukidremedremelini kadruwadruwanga ku sasiadrama, mwakalavalavanga ku apacadha, tuhanau cele ki salaunga ngibuale si mailuku ku apui, lakihagai kiaseasene sitwapuinga kaculunga si panyaniake.

pakai ku asumaelaela ki salaunga, bwaadhanga inya laungusu ki salaunga lamaiyaiya ki akece, lakuni ku ikainga ku laungu ki salaunga.

以前天下曾經發生大洪水。有一天，天空突然變黑，濃濃大霧籠罩大地，開始下起傾盆大雨，連下好幾天，溪水暴漲，低窪地方噴出水來漲滿河川，水不再往下流，而是往上漲。人類和動物們見大勢不妙，便往高山上逃難。雨量愈來愈多，小山一個個被水淹沒，大地變成汪洋，最後僅剩下最高的山頂。

雨停之後，倖存的人和動物擠在山頂上，需要火取暖。 

他們看見對岸的山有火煙冒出，烏鴉自告奮勇幫大家去取火，但因灼熱燙到嘴，火種掉入水中而失敗；山羌奉大家之命前往取火，因犄角太大身體難以負荷，也失敗而回。

最後由山鹿借山羌的犄角去取火，山鹿抱著浮木游過去，久久未見牠回來，大家開始失去信心。突然眼前出現正在游過來的山鹿，嘴裡含著火種慢慢上岸，他們開始生火保住性命。待水位下降，世界恢復原狀，這些存活的人和動物才開始重新繁衍。