Kikay taasiasipane apakelrekelrete ki manemanenga, lu thingale su kwini tapangimiamiane asipi, lri kalrigili su kipaysu. Kaipaasawlra, kai lrikilrilrigili si asipunu su. Ai tumana amia ku taasiasipane Ngudradrekadhane.

Ku kibulru ta ki kusiaw, amani kikay wadrima, kiavala, waabate, paavala, lapathathulriwlrithi arakay luka manemane ku tangimiamiane. Lu drimane ku lrima ki lrima, lumaelrenga kwini drusa laka mangealenga; lu makakivala ku mangeala si lrima, ku namangeale laka lrialrimanga ku tedrane; maduay kikay wadrima si kiavala. Ai lumuanga ki paabaabate asipi lapakakucingalre, la ikay ku saarakaykayyane, lamalra madu anki si thingale asipi, twalay ki drusa si pakela ki bangate, ku nangane ini sia “ bangate si bangate ka saasiasipane ”. Ku drusa laabate su ki drusa, lrika supatenga ku abate, ku bangate si bangate laka mavalrulunga si vaeva, ku iday la abate ku iday, laka kudrulunga. Kikay paavala saarakaykayyane apavalavala kwini ki aasipane, lu paavala su ku mangeale si tutaylrimane, lrika sataradrusadrusa, lu tutaydrusane, laka taralrima.Luka bekelane ka tatitiki ku asipane, arakay madu kay awlru si asipi, ai luka makalra ka taadrawadrawnga, arakay kikay surubange si sakisaisangane, masulialivatenga ki surubange kay tinnaw, kaimadu arakaynga ku sapacapacasane si apapelaelaela ka timathenga.

Wadrima si maelre, kiavala si tedrane, maabate si kaabate, paavala si tarasapia. Tathingalenga arakay kikay, kalrigili apaasiasipi ki lamanemane si apakelrekelrete ku tacekecekele, laani aru kaadraw kisilange kikalrumale ki kakuakudhaanenga ki ziday.

Ku makuciacingalrenga, amani kikay maca ta, taarakay kikay vaga ta palalava ki tathingalanenga ki yakawmasane, lu arakay ta kikay vaga ta, lritara kidringay ta ku patharevane. Kikay taasiasipane maialri ka sapatuadravane ki vaga ta.

Drusa drusa supate, drusa tulru eneme, drusa supate valru, drusa lrima mangeale. Tadrima ku thingalane, takivala ku kulrungane, la taabate ku tharirane.

魯凱的算術不簡單，國小算數課加、減、乘、除法的講法中，加法是和數；減法是餘數。比較難的是乘法的概念因為要背九九乘法，除法是最複雜的，因為包含乘法、加法和減法還有結餘，甚至可能有的小數點。

小數目用心算；大數目用算盤和現在最方便的計算機。多學多用，不要被算數和數字打敗了。脫離原始的基本數理概念，跟著時代的腳步，必然增強我們的語言和知識。

來試試用族語唸背九九乘法，增加知識與經驗分享給族人和部落。