110 年全國語文競賽原住民族語朗讀 【建和卑南語】 國小學生組 編號 3 號
nangku kinasaharan na ngidayan

nangku kinasaharan na ngidayan mu, mau nangku lralrang temakesi i kungkuwan. kemay makiteng mi diya mu, slrangan mi lra temakesi i sidumayan kana kungkuwan.

salaw tihasar di saliyusiw tu pinidadekan, pukasa kana vunan tu luvic. tu pinumudinganan mu, maresan kana vu’enin diya kana karengarengac, vulay nu mena’u ta. di pukasa kana mauper, sayhu malruwalru kana kumudakuda tu lrengaw na haramhaman di tu piningaiyan da cau, di maruwa paka’inava kanta anger, pakasemangal kanta mapiapiya. nu mena’u ta diya kantaw mu,’inava lra ta anger.

nu ulra ta nanayan i iyan, di nu adi ta dalikedik mu, payas duwa kiumaumalra kanta, sayhu lraman da cau, nu ulra ta vangavangan mu, adikaadi duwa pulralranga kanta, di marayas pulihun kaningku da kiyakarunan. uniyan da pasala’an a pakiwalay, markalraman mi kana markasasahar mi marka’inava mi, di marpulralrang mi, kana wariwari diya. semalra salaw vulay di ’inava tu piniangeran, kema ku kanini nangku ngidayan.

nu ulra ku kina’ulidan na vavalrayan i kungkuwan mu, kipanadam ku diya kantaw, say na apana na vavalrayan nu ma’ulid ku di kiumaumalr ku mu, adi ku diya menana’u da ’ilralremes panadam. nu pacepa kana madariw di na madupan na lralrang mu, kemadu salaw pangecengec da anger panadam.

ulra a parasan, kadu mi diya i takesiyan temakesi mu, kiumalr na sinsi kaningku a kiumalran, ma’ulid ku kumudaya tumuvang kana sinsi di, marengay ku eelra…, adu mu, malalup ku kanangku silrevangan, ma’ulid ku kumudaya marengay di pamelri ku tumuvang di venavalray, pakirev ku kikaselru kana sinsi di pakirev ku cemacangis. mena’u intaw, payas duwa mena’uwa demulu’usa kaningku, pakaace’alr kanangku anger.

intaw mu, tatena’ da mau nangku kinamasaluwan di kinatalrimayan da eman diya di mau lra nangku itaturusan da pinicauwan kema ku.

kemay adu lra, adi ku lra patatiwla da takakesiyan di surimet ku lra kurelrang kantaw menadanadam kana eman diya, di mau nangku ’inava na ngidayan di mau ngangku ’inava na sinsi kemaku mu!

110 年全國語文競賽原住民族語朗讀 【建和卑南語】 國小學生組 編號 3 號
我最要好的朋友

我最要好的朋友,是我們班上的同學;她有苗條的身材及白皙的皮膚,是個喜歡談笑、喜歡扮小丑、長得標緻、人緣極佳的人。

每逢見到她,總是笑逐顏開的,當我心情不好、身體不舒服、煩悶時,她一定會迅速地到我身邊誠心的、謙虛的來安慰我、鼓勵我、協助我,我們可說是「有難同當,有福同享」的好朋友。 

假如在課業上有問題,需要協助時,她一定會耐心的、細心的指導我,直到了解清楚為止,她是我的亦師亦友。

有一回我忘了、寫錯了作業,被老師嚴厲訓斥後,哭得傷心極了;幸虧她即時的安慰,讓我很快遠離痛楚,減輕心裡的不是;她可是我最依賴、最信任的好朋友。

文章資訊
文章年度
110
文章編號
3
文章組別
國小
文章語別
建和卑南語
族語標題
nangku kinasaharan na ngidayan
漢語標題
我最要好的朋友
文章作者
洪艷玉
漢語摘要