105 年全國語文競賽原住民族語朗讀 【卓群布農語】 國小學生組 編號 3 號
Malmananu nitu minvavai!

Haiza dau ca madaingazin tu bunun naicaan ludun daingaz kalumaq, samuqat laqdutas madaing sala ka lakda. haiza ca minduduaz tu bunun, laqai dau ha macingav tu, “ pantamaun, na ma a ca ta-iu su? ” antalam dau ca madaingaz tu, “ nakalumaq qak haan ti. ” kitngaain ca madaingaz maqucia tanga matungtung is lakda. 

Sadu ca minduduaz tu matan masauqbung ca na tungtung na lakda, minpanu dau ka minduduaz miliskin, tupaun dau cia ca madaingaza tu, “ madadaingaz,  na lakuin asu kanaqtung matungtung? ” muhaz dau ca madainga maqaqainan sadu cia nitu babazbaz, luhaz muqnang anquc i tanga matungtung i lakda.

Kaupa qanian ca madaingaza muncan dangias lakda ta matungtung-- altupat valian, luvluvan; tanabal, qamisan, ni a cia mimisbu matutungtung. duzavin dau min atitikic ca madaing a lakda, maqtuin dau ca dan laqaiban. icanuta madaingaz matasi ca lumaq.

Haiza dua ta-a qanian, muqnang dau ca minduduaz lqai i dangias madaing lakda a dan, tinquza ca minduduaz sadu. maupai uka inis madaing a lakda, sadus tasa ka lumaq hanta. tupatu “ makuacuna minmaiza ca lumaq hanti? laqdutan nis madaing sala ka lakda ca hanti qabasa. ”miliskin na cia tu ciat maqasmav a madaingaz ca matasi lumaq di.

Minatudip ca minduduaz dii, sisilis hinuzangas madaingaz aiza. minunit maqasmav matamasaz tu bunun, maca madaingaz a, madaingazin minmaduqlac cin ca ngisngis cia, maupai niin katnu mudadaan,anaqat culukudanin mudadaan, minmadaingaz sala.

Tupa dau ka madaingaza tu, “ maiduduaz, asatu malmananu nitu minvavai, nitu mangai matungtung a, altupat madaing tu lakda daingaz, na maqtu aminun mauman, na maszang asu zakun tu usizan i manauaz daingaz tu lumaq. ” tana ca minduduaz qalingas madaingaz a, musu ka cia mulumaq maqamav kuzakuza.

105 年全國語文競賽原住民族語朗讀 【卓群布農語】 國小學生組 編號 3 號
堅持到底!

有一位老人要在深山裡蓋房子,沒料到被大石頭擋住了,於是他便開始鑿大石塊。有一位年輕人經過,他無法想像老人可以鑿開這麼大的石塊,那老人只顧著笑看他,然後再繼續地手持鑿器鑿石。日復一日,石塊變小、路開通了,老人也在那蓋了房子。

當那位年輕人再度經過時,從前的石塊所佔據的地方,竟然蓋起了房子。老人對他說:「年輕人,如果不畏苦、不放棄鑿石,不論石頭再大,一定會鑿完的。到時候妳會和我一樣有一棟很美的房子。」年輕人聽見老者的這番話以後,他立刻回家認真的工作去了。

文章資訊
文章年度
105
文章編號
3
文章組別
國小
文章語別
卓群布農語
族語標題
Malmananu nitu minvavai!
漢語標題
堅持到底!
文章作者
蘇秀華
漢語摘要