105 年全國語文競賽原住民族語朗讀 【東排灣語】 國中學生組 編號 4 號
pakazuanan nua situluwan ta temakesi

neka nu uri kipasalive tua temakesi! neka nu uri pabilji tua kitulu. pazangale tua kemudanga a makulung tua vecike. mavananga azua tja siselapalapay a sisegaljugalju a paiwan. “ ini a na temakesi ti vuvu, sikanaselapay aken a mulisengesengan ” mavananga azua siayaya ni vuvu.

timitja a caucau i kacawan a pinapacuganan, mavan a tja talivakan, tja salenguwaan, tja paeljin tua i kacawan.

ljaqua, tjapacunan a namakulung, naselapay, napasaliv a mala caucau. sa pai. neka nunamaya tua situluan ta temakesi, mavanangan azua uri tja pakasizuanan tua kemudanga, aya sa kisantemuluanga. sa aicu a temakesi,ini a mavan a semalu tua matjaljaljak aya. tua sasekingen aya. tua pasaljinga aya.

anema sa pakazuwanan nua situluwan ta temakesi? nu ayaaken uri masan tjelulje a qusisusu a pasemalaw. azua masanitalje, mavan a mapazulju a tja puenetjan sa mavan a macaquanga itjen tua tja sikudakuda.

seka kisamuljaitjen a temakesi, ini a itjen a malupi. ini a itjen a masudram. tja kituluan a nanguwanguwaq a sikudakuda. sa nu tjapuqenetj itjen, tjakitjaytekuitjen. acaquanga itjen a paqaljay tua timaimaanga. azua masanmusalj, mavan a izuanga tjangadan mavan a mapavalit a tjasikudakuda. uri paruljawljaw, paruqadavanga patjemamiling a tjangadan. azua masantjelulj, mavan a papegamel tua tjavalun, mavan a izuanga tjapakasizuwaanan. azua kemudaanga na kemasivalun sakamaya, nu liyaveanga tjapinuenetj, uri tjatalivakanga itjen a paiwan tua tja sikudakuda.azua temakesi, sinanpicul, mavananga azua siayaya.

azua paqulidangata, masalu arvac tua kumatjaljaljak, tua mareka ku sasusuan a patakesin itjen, macaque angaitjen tua vecik aya, tua sitakesian aya, tua sikudakuda aya.

sa nu qemacuvung itjen a temakesi, azua tja kinitulu atja caquanan, tja sit ulu anga tua tjaivilivililj a kakedrian, ulja pitjaljiazua a tja caquanan.

105 年全國語文競賽原住民族語朗讀 【東排灣語】 國中學生組 編號 4 號
讀書的目的

沒讀書不識字,做任何事情都會非常困難!這就是使我們排灣族過去很艱困、很落後的原因。爺爺常常這樣說:「我因為沒有讀書,所以找工作非常辛苦。」

我們人生在世追求的意義、目的在於健康、平安快樂、服務人群。但是,我們常常看到無知愚笨的、生病貧窮的、犯錯失序的人們。教育家說:注意!教育是最好的,這就是將來一切的基礎。所以,讀書,不只是為了父母啊!

那麼,讀書的目的是甚麼呢?我認為從以下三點來說明:

第一點、就是豐富我們的知識及懂得做人的道理,所以,我們一定要努力讀書,要學習好的行為,當我們有了學問更要更謙虛,懂得尊重每一個人。

第二點、就是提高社經地位,改善生活品質。

第三點、就是建立自信心,增進發展基礎。凡是來自信心,當知識越豐富,我們排灣族做事越有堅定有力了。這就是所謂讀書比照力量一樣。

我真的非常感謝父母及老師們的教育,使我們懂得做人道理!也使得我們全部排灣族都已經脫胎換骨,更加富裕。

 

 

文章資訊
文章年度
105
文章編號
4
文章組別
國中
文章語別
東排灣語
族語標題
pakazuanan nua situluwan ta temakesi
漢語標題
讀書的目的
文章作者
波宏明
漢語摘要