nanta kinakadruwan na kanatal i, salaw bulay. miraaraat a drenan. muguwarurus a enay kadri inayan. marekasagar marekainaba na kikaadru driya kadri kana kanatal na trau. iyanabayan ta dradrek. amawna, garem i, marayas ta kiyalrengaw dra makadalan emaaraw dratu lrubut dra babayan, muka i ing-hang emarawa dra paisu. kadruwan lra a malees na trematrakaw dra manay driya. daw kemadru an kema ta i, kadri punapunan garem. marekakadruwan a trau na semasirep dra miyaibulr. na trau na temalram driya semirep kana miyaibulr i, adri lra muwai abalu kantu arelr. masamasalr semirep i, magiyan lra aw madawak lra.

sadru aw marekamenimeni na miyaibulr. ulraya na an-huēy-ta-min, na kē-ta-min, na yaw-to-wan, na ta-ma, na ma-huēy aw na hay-lo-in. nadrini na miyaibulr i, marisarisan peniya. amau driya semirep a trau i, salaw pakainaba dra dradrek. mikedrang, makeser aw salikesik dratu kiyakarunan. amawna, an uniyan lra tu ibulr i, payas maretru. uniyan lra dra kedrang aw adri lra maranger kikarun. an masalr semirep i, marebeliyas inaba tu dradrek. idri i, amau na magiyan lra kana miyaibulr.

a miyaibulr salaw pakakuwatis kanta dradrek aw kanta nirangeran. na trau na magiyan lra kana miyaibulr i, a kiyanedangan lra. an madranga semirep i, malasalas tu wanger. adri pakadikes dratu kararamuan. parisirisi aw pareungeunger, tu rarutrengay aw mukukutr tu dradrek. an magiyan driya i, adri lra pakaretra. an pariyasalr semirep i, karuwa munuma kudrulr paisu. an saya wari alra paresama semirep. parainiyan lra dra paisu aw tu niwananay tu ruma tu uma. arusay tu kataguwin tu lralrak na babayan tu niwananay. palru dra tremakaw aw muimeng. kalramalraman lra. garem i, salaw ta maulep kemiyanger kana lralrakan na ulraya i takesian. kemay kantu milringan temalram dra manay driya. aw tu patrawlray dra ulringulr aw tu patalramay pasirep. maladam lra aw muka kiamiya i, tu saliyamdangaw tu pakarunay meniwan kana miyaibulr i, kuwadakuda ta lralrakan i likudran lra? idri i, amau nanta kiyaangeran.

kemaya ta driya kana lralrakan na temakakesi. adriya mu milring dratu tamaku dra alialian. adri kiyatuludr elra dratu pinatrekelan dra trau. kaimayay alra miyaibulr kemuda. masalra ta driya temuru. adri pararanak semegiw dra miyaibulr.

社會充滿了毒品的誘惑，許多夜店、酒吧經常發生客人吸食毒品；也有藝人以增加靈感、提神為理由，嘗試吸毒遭到警方查獲。

毒品的種類很多，例如安非他命、K他命、搖頭丸、大麻、嗎啡、海洛因等，這些毒品一開始吸食時感覺身心愉快，但毒性消失，頓時感覺心情低落、全身無力，只有再次吸食才能維持身心的愉快感覺。

毒品會毀壞身體器官，長期吸食K他命會造成小便失禁，更嚴重會破壞神經中樞，無法集中精神，產生幻覺幻聽。然而戒毒比戒菸還困難，一旦停止吸食會全身發抖、打冷顫、身體捲曲、流鼻涕眼淚，甚至有人進出監獄多次仍是戒不掉。

毒品一天的費用要幾千元到幾萬元，並非一般人所能負擔，因此許多人最後傾家蕩產，有的更淪為小偷、強盜或出賣自己的肉體。

毒品就在身邊，甚至已經入侵到學校。毒販利用學生的好奇心，引誘他們吸食，上癮後就變成下線，替毒販賣毒品給其他學生。因此絕對不能好奇的嘗試，也不要隨意抽他人給的香菸，或者食品飲料。