semekadr mi lra kandru na pulikudran kandri na takakesian. apetraw ku tratruri, ku tatililran, ku tilin aw na pakalralradram dra maidraidrangan na tilin. ku abakaw i aliyutr peniya. an abalu ku kemasu muruma i, tu kadradrekii ku kan nanalri. na putabuwan driya. adri ta ababalu kemasu muruma. tibus angetrul.

an muwaruma mi kemay i takesian i, ulraya na trau na auka kana pu-si-pan temakesia. ulraya na muka kana an-cin-pan temililra dratu tatililran. aw mengangara kantu maidraidrangan dra kiyatrebungan muruma. ulraya na mubilin i takesian meladaladam driya. kuyku i, payas ku muruma.

meredek ku i ruma i, retraanay driya ku aliyutr aw pulrang ku emapit dra traker. palru dra kakerabian. sabesabay niyam lima aw mukasakasa mi kerabi sarumaenan. peniya mi kerabi i, kurengaway ku driya demirus. aw muka ku temililra draku tatililran. semekadr ku i, ku panauwanay kan nanalri. aw tu tililray tu ngalad kana pakalralradram kana maidraidrangan na tilin.

an uniyan dra traker dra aapitan i, muka ku melrisawa kanku patabuwan. aw benase ku draku bui. na aatelran na ramaraman i, ku liputraw paseket aw muka ku i patraran mengangaraya kana semasaputr na palidring. na marum na binaybayan na kiruwaruwan i, ku tratrekipaw aw senengaw emapetr kana puwakiruwanan.

an muruma ku kemay i takesian i, sadru ku kiyakarunan i sabak. salaw ku mabangabang. uniyan ku dra wari muka muwadrangiya. kemay ku dratu pinakarun dra maidraidrangan i, meladaladam ku dra pauwayan. “ saigu ta temakesi aw maulid ta mututratrau i, kamawan dra miburesukan ta tilin. matreme ta tinakesian. aw maulid ta dra mamanamanay. ” kema dar i nanalri.

最後一節課總算下課了，把要帶回家的筆、作業簿、書和聯絡簿，收拾好放在書包，回到家才不會挨罵，便當盒別忘了帶回家洗。

放學後有的同學要去補習班上課，有的到安親班做功課等爸爸媽媽來接回家，有的參加學校的課業輔導，我呢！就直接回家。

回到家放下書包後，就開始排荖葉，直到用晚餐時間。大家洗了手一家人進晚餐，吃飽了我先洗澡就去做功課，做好了家庭作業，請媽媽檢查並在聯絡簿上簽名。 

放學後我也是很忙碌，很少有時間玩，從長輩的教導中，我學到了許多道理。媽媽說：「不要做只會讀書的書蟲，還要學會做人做事。」